உனக்காக பிறந்தேனே எனதழகா – 31, 32 ❤️

ஹலோ , நான் இந்த கதையை தொடர ஆரம்பிச்சுட்டேன். கொஞ்சம் நாள் விட்டதால்  முன்னாடி படிச்சுக்கோங்க.
பெரும்பாலும் புரிஞ்சிடும்.

அப்புறம், நான் போன பாகத்தில் போட்ட சில செய்திகள் கூகுளில் ஆராய்ந்து எடுத்தது. அது சரியாக தான் இருக்கும் என்று எனக்கு தெரியாது. கொஞ்சம் உண்மையும், நிறைய கற்பனையும் கலந்தே எழுதியுள்ளேன்.

எனதழகா – 32 ❤️

அனுவும், ஆகாஷும் ஒரு உணவகத்தில் அமர்ந்து கதையளந்து கொண்டிருந்தனர். ஆகாஷ்  மட்டும் பேச, அனு கேட்டுக் கொண்டிருந்தாள்.

ஒரு கட்டத்திற்கு மேல் முடியாமல் அனு ” அண்ணா” என்று கூறி, அடுத்து எதுவும் சொல்லாமல் அமைதியாக அருகில் இருந்த பழச்சாறை ஒரே மிடறில் குடித்து முடித்தாள்.அவள் செய்வதை வேடிக்கை பார்த்தவன் சிரித்து கொண்டே அவனும் பழச்சாறை எடுத்து குடித்தான். ஆனால், அவள் போல் இல்லாமல் முடிந்தளவு அவளுக்கு  தலைவலி  கொடுக்கும் படி ஒவ்வொரு மிடறாக ரசித்து ருசித்து குடித்துக் கொண்டிருந்தான்.

ஒரு கட்டத்திற்கு மேல் முடியாமல் அவனின் பழச்சாறை வாங்கி அவளே குடித்து விட்டு ஆகாஷை திரும்பி பார்த்தாள். ” என்ன கடுப்பாகுதா? ” என்று ஆகாஷ் நக்கலாக கேட்டான். ஆனால், அதில் கோபம் இருந்தது.

“அண்ணா அது வந்து ….. சந்தர்ப்ப சூழ்நிலை அப்படி ? ” என்று அனு வார்தைகளை மென்று முழுங்கினாள். ” இங்கு பாரு ஷா!உனக்கு தெரிஞ்சத நான் திரும்ப சொல்றது  உனக்கு கோபம் வரது மாதிரி நீ சொல்லாம போயிட்டு எங்களை பின்தொடரது  எனக்கு அதை விட கோபமா வருது ! எங்களை பார்த்தா கேனப்பய  மாதிரி இருக்கா? ” என்று மூச்சு விடாமல் ஆகாஷ் கேட்டான்.

“பார்த்தா தெரியாது பார்க்க பார்க்க தெரியும் ” என்று சிரிக்காமல் பதிலுரைத்தாள் அனு .

ஆகாஷ்”எதே ?🤯 “

அனு சிரித்துக் கொண்டே ஏதோ கூற வர, “நிறுத்து ! முதல இருந்து வருவோம். சரியா பதில் சொல்லனும் இப்போ ? ” என்று தொண்டையை கரகரத்து விட்டு, நிமிர்ந்து உட்கார்ந்து கொண்டான்.

“பாக்க பாக்க என்ன தெரியும் ?” என்று நகத்தை கடித்து வெட்கபட்டுக் கொண்டே  கேட்டான் ஆகாஷ்.

அனு”நீங்க ஒரு கேனப்பயனுத்தான் 🫢”

“இல்லை, இல்லை ! தப்பு தப்பு அதெல்லாம் நீ ஏன் சொல்லுற ? அதெல்லாம் நீ சொல்லக் கூடாது” என்று கூறி மறுபடியும் நிமிர்ந்து உட்காந்தான். மறுபடியும் கேட்க, மறுபடியும் இவள் கேலியாக கூற, திரும்ப ஆரம்பித்தான்.

” அய்யோ , அண்ணா !என்னை விட்டுங்க.நீங்க ஒரு நல்லவர் , வல்லவர்,நாலும்  தெரிஞ்சவர் போதுமா ” என்று கையெடுத்து கும்பிட்டே பின்னே தான் ஆகாஷ் விட்டான்.

“உங்களை எல்லாரும் வச்சு செய்வாங்க. ஆனால், உங்களுக்கு என்னை வச்சு செய்யலைனா மனசு ஆறாதே ” என்று அனு முறையிட்டாள்.

“என்னம்மா இப்படி சொல்லிட்ட ? நீ என்னோடு ஒன் அண்ட் ஒன்லி சிஸ்டர் ” என்று கூறி, பொது இடத்தில் இருக்கிறோம் என்பதை மறந்து, அவனது கைப்பேசியில் பாடலை ஒட விட்டு  ,

உன் கூடவே பொறக்கணும்
உன் கூடவே பொறக்கணும்
தாய் போல நான் காக்கணும் எப்போதுமே என் வாழ்க்க வரமாக
அட நீயும் பொறந்தாயே
என் உயிரே உறவாக
என் நெஞ்சில் கரைஞ்சாயே
பசி தூக்கத்த மறந்து நீயும்
அடி பாசத்த பொழிஞ்சாயே
தெனம் உன் முகம் பார்த்து பூக்கும்
புது விடியலும் தந்தாயே
நீ எனக்கு சாமி இந்த பூமி
அட எல்லாம் நீ தானே
உன் சிரிப்பு போதும் நீ கேட்டா
என் உசுர தாரேனே

என்று அதற்கேற்ப நடித்துக் கொண்டிருந்தான்.

அப்பாடல் முடிந்தவுடன், அவ் உணவகத்தில் ,

உறங்கும் போதும்
இவனின் கவனமும்
உறங்கி போகாது
கனவில் கூட காவல் செய்யும்
கடமை மறவாது
 உலகமே இவளென
இவன் வாழும் அழகை பாராடா
மகள் என வளர்கின்றான்
இவன் உயரம் குறைந்த தாயடா
இவனின் அன்பை அளந்திடா
எந்த மொழியும் போதாது
இவன் அண்ணன் பாதி
தந்தை மீதிஆனானே ஆனானே
தம்பி என்ற நிலையை கடந்து
போனானே போனானே!

என்ற பாடல் ஒலித்தவுடன் , அனு சிரிக்க,மேஜையின் மேல் நின்று ஆடிக் கொண்டிருந்தவன் அதிர்ந்து “யாருடா அது ? எனக்கே டஃப் கொடுக்கிறது “என்று திரும்பி பார்க்க,

“மச்சான் நான் தான் “என்று ஒடி வந்தாள் காவ்யா .

“மச்சான் வாடா வாடா வாடா……. “என்று ஆகாஷ் கீழே குதிக்க ,

“வாடா வாடா தோழா “என்று இவளும் அவனிடம் ஒட, அங்கே கச்சேரிக்கும் கலகலப்புக்கும் பஞ்சமில்லாமல் இருந்தது.

🌿🌿🌿🌿🌿

மருத்துவர் கூறியதை கேட்டு நெஞ்சு வலியே வந்தது போல் இருந்தது கேசவருக்கு.வெங்கடேஷனோ பாறையை முழுங்கியது போல்  முகத்தை இறுக்கமாக வைத்திருந்தார்.

அர்ஜூன் அதிர்ந்தாலும் ஒரு சில நொடிகளில் சுதாரித்து விட்டான். பின்பு, மருத்துவரிடம் கேட்க தொடங்கும் நேரம் மருத்துவர் கையசைத்து நிறுத்த சொல்லி மணியை அடித்து நர்ஸை வரக் கூறினார்.

அவர் வந்தவுடன் கேசவரை அழைத்து சென்று பிபி பார்க்கும் படி கூறி, தூக்கத்திற்கு  டிரிப் மூலம் மருந்து ஏத்த சொல்லி வலுக்கட்டாயமாக கேசவரை அனுப்பி வைத்தார்.

பின்பு அர்ஜுனிடம், “சார்,நீங்க பெரிய குடும்பம். உங்களுக்கு எதிரி நிறைய இருக்கலாம் . அதனால், நீங்க உங்களுக்கும், உங்க குடும்பத்துக்கும் இன்னும் பாதுகாப்பு போட்டுக்கோங்க” என்னு கூறி விட்டு,

வெங்கடேஷிடம் திரும்பி “சார், நான் அவங்களுக்கு ட்ரீட்மெண்ட் ஆரம்பிக்கனும். சீக்கிரமா சொல்லுங்க. எங்க போனாலும் இதேதான் சொல்லுவாங்க” என்று கூறினார். வெளியே வெங்கடேஷன் கத்தியதை கண்டு விட்டு அவரின் அனுமதிக்கு காத்து கொண்டிருந்தார்.

அர்ஜுன் தான் மன்றாடினான். “மாமா, டைம் இல்லை. இங்கேயே பாப்போமே. அத்தையை காப்பாத்திடலாம்  ” என்று இன்னும் நிறைய கூறி அவரின் மனதை கரைக்க பார்த்தான். அவர் எதற்கும் பதில் கூறாமல் , அமைதியின் உருவமாய் அமர்ந்திருந்தார்.

பின்பு, ஆருஷியிடம் கூறி வெங்கடேஷனை ஒப்புக் கொள்ள முயற்சி செய்யலாம் என்று நினைத்து ஆருஷியை அணுகினான்.

ஆருஷியிடம் கூறியவுடன், ஆருஷியின்  கண்களில் தண்ணீர் வழிந்தது. ஒன்றும் கூறாமல், கண்ணை அழுந்த துடைத்து வெங்கடேஷனிடம் செல்லாமல் டாக்டரிடம் சென்று “டாக்டர், அவங்க என் அம்மா தான். எனக்கும் எல்லா உரிமையும் இருக்கு. அவர்க்கிட்ட அனுமதி வாங்கிறதும் ஒன்னு தான். என்கிட்ட வாங்கிறதும் ஒன்னுதான். அதனால், நான் சொல்றேன் டிரீட்மென்ட் ஆரம்பிங்க ” என்று கூறிவிட்டு வெங்கடேஷனை ஒரு பார்வை பார்த்து விட்டு சென்றாள்.

டாக்டரின்  அறையிலிருந்து இறுதியாக ஆருஷியின் பார்வை வரை அமைதியாக வேடிக்கை பார்த்து கொண்டிருந்தான் அசோக். ஏனென்றால், மீரா தற்கொலை செய்யவில்லை என்று உறுதியாக கூறியதில் சந்தேகம் எழுந்து அசோக்கை  கவனிக்க சொல்லியிருந்தான் அர்ஜுன்.

அவனுக்கு எதுவும் வித்தியாசமாக தென்படவில்லை . இறுதியில் ஆருஷி வெங்கடேஷனிடம் பேசாமல் அவரை பார்த்து விட்டு சென்றது தான் அசோக்கிற்கு வித்தயாசமாக இருந்தது.

அதை அர்ஜுனிடம் கூறாமல் ஈஸ்வரிக்கு தகவலாக அனுப்பி விட்டான். பின்பு, ரியா போன் செய்து கீழ் தளத்திற்கு வரச் சொன்னவுடன் அர்ஜுனிடம் கூறி விட்டு சென்று விட்டான். ஆதிராவிற்கு அழைத்து அர்ஜுனுக்கு துணையாக இருக்கும்படி கூறி விட்டு ரியாவைக் காணச் சென்றான்.

🏨🍱உணவகம்

ஆகாஷ், காவ்யா மற்றும் அனு வெகு நாட்கள் கழித்து சேர்ந்ததால் சந்தோஷத்தில் இருந்தனர். பல தெரிந்த கதைகளும், சில தெரியாத கதைகளையும் உண்டுக் கொண்டே பேசிக்  கொண்டிருந்தனர் .

இந்தர் உணவகத்திற்கு உள்ளே வந்தான். அவன் வந்தவுடன் கலகலப்பு மறைந்து கடுமை நிறைந்தது அவ்விடத்தில் .
பொதுவான  விஷயங்கள் பேசிவிட்டு, இறுதியில் இந்தரே  கூற ஆரம்பித்தான் .

இந்தர்”ஆகாஷ் , நேத்து ரியாவை ஹாஸ்பிட்டலில் வைத்து கொல்ல பாத்தது …”

ஆகாஷ் “அந்த  அபி கூட்டாளி தான? “

அனு “அபிக்கு இந்த விஷயம் தெரிஞ்சா அபியே அவனை கொன்றுவான்”

ஆகாஷ் “யாரு அந்த பையன்? அவனை நான் பாத்ததே இல்லை .இதுல வெங்கடேஷ் அங்கிள் வேற குணா, தீனானு சொல்லிட்டு இருக்காரு. சில்லி பாய்ஸ் “

இந்தர் அனுவையும், காவ்யாவையும் கடுமையாக முறைத்து கொண்டிருந்தான்.

🏥மருத்துவமனை

அதே நேரம் ரியா தனது கைப்பேசியில் வந்த புகைப்படத்தை கண்டு காதில் புகை வராத குறையாக கோபமாக அமர்ந்திருந்தாள்.

கீர்த்தி☘️