திசை நான்கும் உன் நினைவுகளே

திசைகள் நான்கும் உன் நினைவுகள்
ஆழியாய் சூழ்ந்து என்னைத் தனித்தீவாய் மாற்றியதும் ஏனோ

விழி தொட்டும் மீளும் இடங்களிலும்
என்னை பார்த்தும் புன்னகைக்கும்
உன் வதனமும் காட்சியாவதும் ஏனோ

அமைதியின் ஏகாந்தத்திலும்
தனித்துவமாய் உன் குரல்
ஒலிப்பதாய் தோன்றுவதும் ஏனோ

தனிமைச் சிறையின் பொழுதெல்லாம்
ஆழமாய் என்னை ஆட்டிவைக்கும்
அலையாய்  நீ மாறியதும் ஏனோ

உன் மௌனத்தின் பக்கங்களையும்
அழகாய் மொழிபெயர்க்க 
என்னை மாற்றியதும் ஏனோ

தடம் மாற்றும் தனிமையிலிருந்து
தப்பித்துச் செல்ல முடியாமல் என்னை
தடுத்தாட்கொண்டதும் ஏனோ

தனித்தனி பக்கங்களாய்
தன்னந்தனித் தீவில் என்னை
தனித்திருக்க வைத்ததும் ஏனோ

ஆழி சூழ் உலகில் ஆழமாய் உன்
நினைவுகள் சூழ இன்னும் இன்னும்
என்னை காதலிக்க வைத்ததும் ஏனோ