வெள்ளி மழையில்
கால் தடுக்கும் ஆடையை
அள்ளி சொருகி
கணுக்கால் தெரிய நின்றேன்
அவனை சந்திக்கும் நாள் அல்லவா
அவனை ஈர்க்க அழகியாக இருக்க தேவையில்லை
அவன்மேல் தீரா காதல் போதுமே
திருடனாய் அவன்
தயார் நிலையில் என் முன்னே
அவனது வாசம்
என்னை பித்தம் கொள்ள
மொத்தமாக கொள்ளயிட
துடிக்கும் உணர்விற்கு
முற்று புள்ளி இடமுடியாமல்
தவிப்புடன் நின்றேன்
கள்ளனவன் கள்ள சிரிப்பு
என்னை கட்டி இழுக்க
கட்டுப்பாடு இன்றி
நான் நிற்க
முற்றுகையிட துடித்தான்
என் கலாப காதலன்
ஆயிரம் கல் தொலையில்
அவன் இருந்தாலும்
அவன் பிரேத்யேக வாசனை
கண்டு கொள்ளும் என்னை
தள்ளி வைத்து சீண்டுவதில்
அவனுக்கு அலாதி பிரியம்
அப்பப்பா அவனை நெருங்கியதும்
அப்படி ஒரு உஷ்ண மூச்சு
கண்கள் மூடி
அவனை இதழால் தீண்டினேன்
பிறவி பயனை அடைந்தேன்
அவனுள் ஆழ்ந்து போக நானும்
என்னுள் புதைய அவனும்
எங்கள் காதல் நாடகத்தை
இறுதியில் முடித்தவள் நானே.
பிரிவு என்னை ஆட்கொள்ள
மீண்டும் அவனை ஆட்சி செய்ய
அடுத்து ஞாயிறு எப்போயென
நாட்குறிப்பில் நான் தேட
ஏழுநாள் கெடுக் கொடுத்து
காதலவனை தள்ளி வைத்தது காலம்.
பிரியம் கொண்டவளிடம்
இப்படி பிடிவாதம் செய்கிறாயே
என்று காலியான பிரியாணி பாத்திரத்தை கண்டு கண்ணீர் விட்டபடி அவனிடம் இருந்து பிரியாவிடை பெற்றேன் நான்.
அட பாவிகளா 😳😳😲😲🤯🤯
எதோ காதல் கவிதையைத் தான் எழுதுறாங்க . என்னமா உருகி உருகி எழுதுறாங்க னு யோசிச்சா கடைசி வரி ல காலியான பிரியாணி அ 🙄🤔🧐 …
🙆🙆🙆🙆 …
ஆனா வார்த்தைகள் வேற
லெவல் . 👏👏👏
ஹா ஹா.. அட அட.. பிரியாணி ரசிகையின் காதல் கவிதை.. அருமை..
இரண்டு பொருள் படும் படி வார்த்தைகளை கோர்த்து காதலுடன் விளையாடி இருக்கிறீர்கள்.. வாழ்த்துக்கள். வித்தியாசமான கவிதை. நல்ல கற்பனை..
ஹேய் வித்தியாசமான கவிதை சகி…நான் காதல்கவிதையோ என நினைத்து ஆழந்துபோகையில் சிரிப்பை வரவழைத்துவிட்டீர் பிரியாணி என்னும் ஒற்றை வார்த்தையில் …மிகமிக நன்று .
வாழ்க வளமுடன்…
மழைங்கற வார்த்தையை பார்த்து மண்வாசனையோனு நினைச்சேன்..சரி செம்ம காதல் பீல் போலனு நினைச்சேன்..கடைசில பார்த்தா பிரியாணி…வேற லெவல் சிந்தனை..நைஸ் சிஸ்