என்னை விட்டுப் பிரியாதே !! ❤️ 15

அத்தியாயம் பதினைந்து

 மகி அறை : 

அழுது அழுது சோர்வடைந்து அப்படியே சாய்ந்து உறங்கி போனாள் பேதை  . கதிரவன் தன் மகளை சாப்பிட அழைக்க வந்து மகியின் அறை கதவை திறக்க , மகள் அமர்ந்த வாரு உறங்கிக் கொண்டிருப்பதை பார்த்து  மகி அருகில் சென்றார் . 

” மகி… மகி எழுந்திரு…வா சாப்பிட்டு தூங்கலாம் ” என்ற அவர் சத்தமாகவே தான் அழைத்தார் . குயிலவளிள்  அழுத சோர்வினாள் அவள்  செவிகளுக்கு கேட்க வில்லை . இரண்டு முறை உறைக்க அழைத்து பிறகே எழுந்து அமர்ந்தாள் . விழிகள் கோவை பழமாய் சிவந்து இருக்க , கதிரவன் தான் பதறி விட்டார் .

” மகி … என்னாச்சு எதாச்சும் பிரச்சனையா ?  அப்பா கிட்ட சொல்லுடா நீயே அழுது உன்னை கஷ்டப்படுத்திக்காத டா …” என்று அவர் கேட்க , தன் தந்தையின் விழிகளை பார்த்தவளுக்கு மீண்டும் கண் கலங்கியது . 

” சரி எதுவும் சொல்ல வேண்டாம் வா சாப்பிடலாம் ” 

” இல்..லை பா வே..ண்டாம் .. நீ..ங்க சாப்பிடுங்க ” என்றாள் உடைந்த குரலில் . எப்போதும் அனைத்தையும் விளையாட்டாக எடுக்கும் மகி இப்படி இருப்பதை பார்த்து கவலையாக இருந்தாலும்  , மகளை  தொல்லை செய்ய விரும்பாமல் அவர் கிளம்பினார் . 

அடுத்த நிமிடம் அடக்கி வைத்திருந்த கண்ணீர் கன்னத்தை நனைத்தது அருவியாய் ஓடியது . அதை அழுந்த துடைத்து

” இல்ல மகி எதாச்சும் முக்கியமான வேலையா இருக்கும் உன் கண்ணா கண்டிப்பா வேலை முடிஞ்சதும் சாரி  கேட்பான்  ” என்று தனக்கு தானே ஆறுதல் கூறினாலும் கண்ணீர் மட்டும் அவள் பேச்சை கேட்க வில்லை .ஏதோ மனதிற்கு உறுத்தலாகவே இருந்தது . மிகவும் கடினபட்டு கண்ணீரை கடுப்படுத்தியவள் உறங்க நினைக்க , எங்கே வந்த அசதியான தூக்கமும் இப்போது போய் விட்டது . இப்போது மூளை , மனது என இரண்டையும் தன் கண்ணாவை பற்றி நினைவுகள் பட்டாம்பூச்சியாய் வட்டம் அடிக்க எங்கிருந்து தூக்கம் வரும் . சித்தின் நினைவிலே இருந்தவள் எப்போது தூங்கினாள் என்று தெரியவில்லை . காலையில் அவசரமாக செல்வி எழுப்பும்போதே உணர்வுக்கு வந்தாள் . 

 சித்தார்த் வீடு

” அம்மா எவ்வளவு நேரம் தான் கிளம்புவிங்க  சீக்கிரம் வா மா ” என்று குட்டிப் போட்ட பூனையாய் வீட்டில்  குறுக்கும் நெடுக்குமாக நடந்தான் . 

” உன்ன எல்லாம் காதலிக்குறேனு சொன்னதும் திட்டாம  உன் பேச்ச கேட்டு பொண்ணு கேட்க கிளம்புறோம்ல எல்லாம் பேசுவ டா ” என்று சலித்துக் கொண்டார் ராதை . 

” என் செல்ல அம்மாவே  என்ன பண்றது  ஒரே பதட்டமா இருக்கு  அவ எப்படி ரியாக்ஷன் குடுப்பானு நினைச்சாலே சும்மா ஜிவ்வுன்னு இருக்கு ” என்று சிலாகித்து கூறினான் சித் .

” சரி டா பொண்ணு பேரு என்ன ? ” தன் மருமகள் பெயரை‌ கேட்க , தன் மகன் உதட்டை பிதுக்குவதை பார்த்து தலையில் அடித்துக் கொண்டார் . 

” மச்சான் என்ன நிம்மதியா சாப்பிட கூட விடாம கூப்பிட்ட  நீங்களே இன்னும் கிளம்பளையா ” என்றவாறே உள்ளே நுழைந்தான் சந்துரு. 

” அட இரு டா மச்சான் , அதெல்லாம் கிளம்பிட்டோம்  நானே என் ஆள பாக்க போற சந்தோசத்துல இருக்கேன் ” என்று வெட்கம் பட்டுக் கூறும் நண்பனை பார்க்க சிரிப்பாக வந்தது .

” மச்சான் நா வெளிய இருக்கேன் டா . அந்த பொண்ணு முன்னாடி இப்படி வெட்கப்பட்டுறாத ” என்று கூறி ஒரே ஓட்டமாய் வெளியே வந்து விட்டான் . மூவரும் பல அட்டகாசங்கள் செய்து மகி வீட்டை வந்து அடைந்தனர் . 

மகியின் வீடு :

” டேய் உன் ஆளு வீடு தா இல்லேன்னு சொல்லல  , அதுக்குனு உள்ள போய்ருவியா  இரு டா  பெல் அடிப்போம் ” என சந்துரு கூறி சுவிட்சை அழுத்த கதிரவன் தான் வந்தார் .

” உன் மாமா போல டா  ” என்று சித் காதில் முனுமுனுக்க , ராதை தான் அதட்டினார் அமைதியாக இருக்கும் படி 

” யாரு நீங்க  என்ன வேனும் ” என்று வழமையான கேள்வியையே அவரும் கேட்க 

” முக்கியமான விசியமா வந்திருக்கோம்  உள்ள வந்து பேசலாமா ” என்று ராதை கேட்க , அவரும் யோசித்த வாரு தலை அசைத்தார் . அவர்களின் உடையிலையே தெரிந்தது அவர்களின் செழுமை .  தன் மனைவியிடம் காபியை போட கூறியவர் 

” சொல்லுங்க என்ன விசியம் ” என்று கேட்க 

” உங்க பொண்ணு  வேணும் ” என்று சட்டென்று சந்துரு கூற , சித் தலையில் அடித்துக் கொண்டான் . ராதா முறைப்பதை பார்த்து சந்துரு நல்ல பிள்ளையாக வாயில் விரலை வைத்துக் கொண்டான் . 

” அது எங்க பையனுக்கு உங்க பொண்ண கேட்டு வந்துருக்கோம் ” என்றார் ராதா .

” அது ..அது ..அவங்க இப்போ தான் ஃபைனல் இயர் படிக்குறாங்க ” என்றார் சற்று அதிர்ச்சியாக.  அதற்குள் தன் மகள்கள் வளர்ந்து விட்டார்களா என்றே அவர் மனதில் ஓடியது   , கிட்சனுள் உள்ளே இருந்த செல்விக்கும் அதே யோசனை தான் .

” அதுக்கு என்ன சம்மந்தி எங்க வீட்ல இருந்தே படிக்கட்டும் ” கல்யாணம் முடிவு செய்யாமலே சம்மந்தி என்று அழைப்பவரை  சித்தும் சந்துருவும்  தான்  ‘ செம்ம கலக்குறிங்க மா  ‘ என்பது போல் பார்த்தனர் . அவரே மீண்டும் தொடர்ந்தார்

” இது என் பையன் சித்தார்த் கிருஷ்னன் , SK கம்பெனி எல்லாத்தையும் பாத்துக்கிறான் . நா அவங்க அம்மா ராதை , அவங்க அப்பா பிஸ்னஸ் விசியமா வெளியூர்  போய்ருக்காங்க அதான் வர முடியல .அது சந்துரு சித் ஓட ஃபிரண்ட் . எங்களுக்கு உங்க பொண்ண ரொம்ப பிடிச்சிருக்கு அதான் தாமதிக்காம வந்துட்டோம் ” என்று தன் உரையை முடித்தார் . 

மகியின் தந்தைக்கோ அதிர்ச்சி தான் எவ்வளவு பெரிய இடம் இன்று வீடு தேடி வந்தே பெண் கேட்கிறார்களே என்ற ஆச்சிரியம் கூட 

” ரொம்ப யோசிக்காதிங்க  மாமா எங்க வீட்டுக்கு வந்தாலும் அவ இஷ்டப்படி இருக்கலாம் ” என்று புன்னகையுடன் கூறினான் சித் . 

அவனை பார்த்ததும் பிடித்து விட்டது கதிரவனுக்கு இருந்தாலும் அவர்களின் தகுதி வேறு நாம் நடுத்தர மக்கள் என்றே யோசித்தார் . 

” அது இல்லைங்க உங்க ஸ்டேட்ஸ் வேற ” என்று கூறும் போதே வழி மறித்தான் சித்

” மாமா இன்னைக்கு பணம் வரும் நாளைக்கே  போகும் , ஸ்டேட்ஸ் லாம் பாக்காதிங்க  உங்களுக்கு சம்மதமா மட்டும் சொல்லுங்க ” 

‘  மாமாவ எப்படி கவுக்குறான் பாரு … உனக்கு இப்படி திறமை இருந்தா நீ தான் எப்பவோ கல்யாணம் பன்னியிருப்பியே !! வாய் மட்டும் தான் டா உனக்கு ‘ என்று தனக்குள் புலம்பினான் சந்துரு .

” அது எல்லாம் சரி தான் தம்பி இருந்தாலும் ” என்று அவர் இழுக்க 

” வேற என்ன மாமா உங்களுக்கு சரி தானே … அத்தை உங்களுக்கு ” என்று ஹாலில் இருந்தவாறே உறைக்க கேட்க , அவரும் கதிரவனின் இஷ்டம் என்று விட ,அவரின் பதிலுக்காக தான் காத்திருந்தனர் . 

” எனக்கு ஓகே தான் சம்மந்தி ” என்று புன்னகையுடன் கூற , அனைவரின் முகத்திலும் மகிழ்ச்சி தாண்டவம் ஆடியது . 

” அப்போ என்ன சம்மந்தி  வாங்க நிச்சியம் பண்ணிக்கலாம்  ” என்று ராதா, ஒரு  குண்டை தூக்கி போட

” என்ன சம்மந்தி அதுகுள்ள எப்படி ” 

” உங்களுக்கு சம்மதம் தானே ?  கல்யாணத்தை பெரிசா வச்சுக்கலாம் . விட்டா உங்க பொண்ணை இப்போவே ஒருத்தன் எங்க வீட்டுக்கு கூட்டிட்டு வந்துருவான் ” என்று கூறி சித்தை பார்க்க அவனுக்கே அது அதிர்ச்சி தான் . பெண் கேட்க வந்த இடத்தில் அம்மா நிச்சயம் பண்ண நினைத்ததற்கு ஒரு நன்றியை மனதில் நினைத்தவன் அவர்கள் முன் அசடு வழிந்தான் . 

” அது .. அது …”  என்று கதிரவன் தன் மனைவியை பார்க்க , அவரும் கண்ணை சிமிட்டி சம்மதம் தெரிவித்தார் 

” சரிங்க சம்மந்தி ..எந்த பொண்ண நீங்க உங்க வீட்டுக்கு வரனும்னு நினைக்குறிங்க ” என்று முக்கியமான கேள்வியை கேட்டார் கதிரவன் .

” உங்க பொண்ண தாங்க சம்மந்தி ”  என்று வெகுளியாய் ராதா கூற, கதிரவனுக்கு தான் குழப்பம் வந்தது.

” எனக்கு ரெண்டு பொண்ணு சம்மந்தி ” என்றதும் ராதை கேவலமாக தன் மகனை பார்க்க , சித்தோ திரு திருவென முழித்தான் . பெயரும் தெரியாது , என்ன செய்கிறாள் என்றும் தெரியாது இப்போ என்ன செய்வது என்று யோசித்தவன் 

” அது கால்ல அடி பட்டுருக்குற பொண்ணு ” என்று கூறி குனிந்துக் கொண்டான்

” ஏண்டா  பொண்ணு  பேரு தெரியாம தான் நிச்சயம் பண்ண வந்தியா ”  என்று சத்தமாக சந்துரு கேட்க  , செல்வி சிரித்து விட்டார் .  சித் அசடு வழிய 

” ஓஓ அமிழ்தினியா ? சரிங்க எங்களுக்கு சம்மதம் தான் ” என்று தன்‌ முடிவை கூறி அமிழை கிளம்ப கூறி தன்‌ மனைவியிடம் கூறினார் . சித் அமிழ்தினி என்ற பெயரையே பல முறை உதிர்த்து பார்த்தான் . 

” ஏண்டா இப்போ பேர் வைக்குற பங்சன் மாறி இத்தனை தடவ அந்த பொண்ணு பேர சொல்லுற ” என்று சந்து சித் காதில் கிசு கிசுக்க 

” அவ்வளவு சத்தமாவா மச்சான் இருக்கு ” என்றபடி அசடு வழிந்தான் மகியின் மன்னன்.

” அந்த பொண்ணுக்கே கேட்ருக்கும் ” என்று அவன் கலாய்க்க , எல்லாம் என் நேரம் என்று நினைத்து கொண்டான் சித் . 

____

” மகி…  மகி ..எந்திரி டி அக்காவ பொண்ணு பார்க்க வந்திருக்காங்க ” என்று மகியை எழுப்ப , பதறி அடித்துக் கொண்டு எழுந்தாள் . இன்னும் முகத்தில் சோகமே குடி இருந்தது.

” ஏன்டி‌ அதுக்குள்ள சோகமாகுற நிச்சயம் பண்ண போறாங்கலாம்  …குளிச்சிட்டு அமிழை ரெடி பண்ணு  நா அவள எழுப்ப போறேன் ” என்ற படி அமிழ்தினி அறைக்கு சென்றார் . அமிழ்  ஏற்கனவே குளித்து அமைதியாக செல்பேசியில் மண்டையை நுழைத்து  அமர்ந்தே இருந்தாள் 

” அமிழ் சேரி எடுத்து கட்டு  மாப்பிள்ளை வீடு வந்துருக்காங்க ” என்றவுடன் அதிர்ந்து விட்டாள் அமிழ்தினி .

அவளுக்கு எங்கே தெரியும் சித் தன்னை தவறாக பார்த்து விட்டான் என .

” என்..என்ன மா சொல்லுற ” 

” அதுக்கு ஏன்டி இவ்வளவு ஷாக் ஆகுற  நல்ல பெரிய சம்மந்தம் டி … அவங்களா தேடி வந்தகருக்காங்க  அப்பாவுக்கும் பிடிச்சிருக்கு , சேலை கட்டி இரு டி கூப்பிடும் போது வா. இந்த போண மொத குடு  போ ரெடி ஆகு  ” என்று அவளின் பதிலை எதிர் பாராமல் வெளியே சென்று வருங்கால சம்மந்திக்கு சமைக்கச் சென்றார் . 

அமிழுக்கு தான் தலையில் கல்லை போட்டது போல இருந்தது . எப்படி இப்போது தான் வேறு பையனை காதலிக்கிறேன் என்று உரைப்பது . சரி பெண் பார்க்க தானே அவர்கள் சென்றதும் தன்‌ மறுத்து விடலாம் என்று நொந்துக் கொண்டு ஒரு சேலையை எடுத்தார் . கதிரவன் எப்போதும் மகள்களுக்கு பார்த்து பார்த்து அனைத்தையும் செய்வார் . அது அவர்களுக்கும் சரியாக இருப்பதால் மறுப்பு கூற மாட்டார்கள் இன்றும் தன் மகளின் பதிலை எதிர் பாராது சென்று விட்டார் செல்வி .

இன்னும் நேற்றைய நினைவுகளே கண் முன் வர  இரு விழிகளும் கரித்துக் கொண்டு வந்தது . தன்னை கட்டுப் படுத்த நினைத்தும் முடியவில்லை  . சித் வருகிறேன் என்று செய்தியை அனுப்பிவிட்டு  ஏன் ?…ஏன் ? வரவில்லை என்று அவள் மனது அவளை கேள்வியாய் கேள்வி கேட்க , பதில் தெரியாமல் அழுகை வந்தது அந்த பேதைக்கு . தன் மனதை பல சமாதானம்  கூறி சரி செய்தவள்  எப்போதும் போல ஒரு சட்டை அணியாமல் , ஒரு குர்தியை அணிந்து ,தன் அக்காவிற்கு நடக்க போகும் நல்ல வைபோகதிற்கு அவள் அறைக்கு சிரித்த முகத்துடன் சென்றாள் . 

அமிழ் ஏற்கனவே , சேலையை மற்றும் உடுத்தி இருக்க 

” என்ன அமிழ் மேக்கப் போடாம இருக்க  ” என்று அவளை போலி புன்னகையுடன் அமிழை அலங்கரிக்க ஆரம்பித்தாள் . சாதாரணமாக இருந்திருந்தால் அமிழ் முகத்தில் தெரியும் கடுப்பை உணர்ந்து அவளுக்கு இந்த திருமணம் பிடிக்க வில்லையா என கேட்டிருப்பாள் . அவள் இருக்கும் வருத்தத்தில் அதை கவணிக்க வில்லை  . அமிழுக்கு அனைவர் மேலும் கடுப்பு வந்தது , ஒரு வார்த்தை தன்னை கேட்க  மாட்டார்களா என்று ஆதங்கமும் .  சில ஒப்பனை செய்தவுடன் அந்த இள நீல விழிக்காறி அழகாய் ஜொலித்தாள் .  

” செம்மையா இருக்க அமிழ்  மாமா மயங்க போறாரு பாரு ” என்று தன் கண்ணில் இருந்து மையை எடுத்து உடன்பிறந்தவளுக்கு வைத்தாள் . அடுத்து பேச வரும்முன் செல்வியின் குரல் கேட்டது  . 

பிரியாமல் தொடரும் 😍💋…..

உங்களின் புல்லட் வெடி 🎉