என்னுள் நீ காதலாய் 💞 1

இங்க பாரு செந்தமிழ் எனக்கு உன்னை கல்யாணம் பண்ணிக்கிறதுல கொஞ்சம் கூட விருப்பமில்ல … உன்னை மட்டுமில்ல யாரையும் நான் கல்யாணம் பண்ணிக்கிற நிலைமையில இல்ல … என் அம்மா பேச்சை மறுக்க முடியாம தான் நான் உன்னை பொண்ணு பார்க்க வந்தேன் என்று அவன் சொல்ல … வெட்கப்பட்டு குனிந்து அழகாக சிரித்துக் கொண்டிருந்தவள் திடுக்கிட்டு மெல்ல நிமிர்ந்து அவனை பார்த்தாள் …

இளமாறன் … 28 வயது … ஆனால் பார்க்க 22 வயதை போல தான் இருந்தான் … நல்ல இளஞ்சிவப்பு நிறம் … கருகருவென சுருட்டை கேசம் அவன் முன் நெற்றி வரை அழகாக சுருண்டு இருந்தது … கம்பீரமான பார்வை … ஒளி வீசும் கண்கள் … அடர்த்தியான அளவான மீசை … அதன் கீழே தடித்த உதடுகள் … அழகாக ட்ரீம் பண்ணிய லேசான தாடியுடன் இருந்தான் … அழகான கன்ன கதுப்புகள் அவன் முகத்திற்கு வசீகரத்தை தந்தன …

அதனால செந்தமிழ் நீயே கீழ வந்து எனக்கு இந்த கல்யாணத்துல இஷ்டம் இல்லன்னு எல்லார் கிட்டயும் சொல்லிடு என்று அவன் சொல்ல … அவனை ரசித்து பார்த்துக் கொண்டிருந்தவள் அவன் சத்தமாக பேசியதில் அதிர்ந்து விழித்தாள் …

செந்தமிழ் … 19 வயது … பார்க்க சிறு வயது குழந்தை போன்ற பால் வண்ணம் மாறாத கள்ளம் கபடமற்ற முகம் … சின்ன கண்கள் … ஆனால் அழகான பெரிய இமைகள் … கருகருவென நீளமான தலைமுடி முதுகின் அடிப்புறத்திற்கு கொஞ்சம் மேல் வரை நீண்டு வளர்ந்திருந்தது … நேர்த்தியான மூக்கு … மாநிறத்திற்கும் சற்று கூடுதலான நிறம் …

ஆனால் இளஞ்சிவப்பு நிறத்தில் மென்மையான சின்ன உதடுகள் … கொஞ்சமே கொஞ்சம் சதைப்பிடிப்புடன் இருந்த கன்னங்கள் … அவள் சின்ன குழந்தை போல மனம் விட்டு சிரித்தால் அந்த சின்ன கண்களும் சுருங்கி … இரண்டு கன்னங்களிலும் அழகான சின்ன கன்னக்குழி தெரியும் … கொஞ்சமே கொஞ்சம் சதைப்பிடிப்புடன் இருந்த கன்னங்கள் … மென்மையில் இருந்து மாறி கொஞ்சம் கடினமான குரல் …

அவள் அடர்ந்த இமைகளை படபடவென அசைத்து அவனை பார்க்க … அந்த துறுதுறு பார்வை அவனை ஏதோ செய்தது … பார்வையை வேறு பக்கம் திருப்பியவன் … இப்படியே பேசாம இருந்தா எப்படி … சரி நானே போய் எனக்கு உன்னை பிடிக்கல … இந்த கல்யாணத்துல எனக்கு சம்மதம் இல்லைன்னு சொல்லிடுறேன் என்று சொல்லி எழுந்து நடக்க ஆரம்பித்தான் …

ஒரு காலை கையால் தாங்கி ஊன்றி … இன்னொரு காலை எடுத்து வைத்து அவன் நடந்து செல்வதை பார்க்க அவள் மனது கனத்து போனது … கொஞ்ச தூரம் நடந்து சென்றவன் கீழே இறங்குவதற்கு முன்பு அவளை பார்த்தான் … அவளோ அழுது சிவந்த கண்களோடு கண்ணீரை துடைத்துக் கொண்டு … அவனை பார்த்துக் கொண்டிருந்தாள் …

அவள் கண்ணீர் அவனை ஏதோ செய்ய … திரும்பவும் மெல்ல நடந்து அவள் அருகில் வந்தான் … இப்போ எதுக்கு அழற என்று கொஞ்சம் கடுப்பாக கேட்டான் … அவள் பதில் பேசாமலிருக்க … சொன்னா தான தெரியும் … சரி நான் போறேன் என்று அவன் திரும்ப …

அது வந்து … எனக்கு அம்மா இல்ல … நான் பிறந்த கொஞ்ச நாள்ல அவங்க இறந்துட்டாங்க … என் அப்பா ரெண்டாவது கல்யாணம் பண்ணிக்கிட்டார் … என் சித்தியோட அண்ணன் மனைவி சமீபத்துல இறந்துட்டாங்க … அதனால என் சித்தி அவருக்கு என்னை கல்யாணம் பண்ணி வைக்க நினைக்கிறாங்க …

என் அப்பாவும் அவங்களை ஒண்ணும் சொல்ல முடியல … அவங்க கிட்ட பேச முடியாம எனக்கு வரன் பார்க்க ஆரம்பிச்சார் … நீங்க தான் என்னை முதன்முதல்ல பொண்ணு பார்க்க வந்திருக்கீங்க … எனக்கும் இந்த கல்யாணத்துல இஷ்டம் இல்ல … நான் நல்லா படிப்பேன் … எனக்கு காலேஜ் போய் படிக்கணும்னு  ஆசை …

+2 படிச்சு முடிக்கிறதுக்கே வீட்ல தினமும் திட்டும் அடியும் வாங்கி தான் படிச்சேன் … அதுக்கப்புறம் என்னை படிக்க வைக்கல … ரெண்டு வருஷம் வீட்டு வேலை … சமையல் … குழந்தைகளை பார்த்துக்கிறதுன்னு வீட்ல தான் இருக்கேன் …

நீங்க நிறைய படிச்சிருக்கீங்க … சென்னைல பெரிய ஐடி கம்பெனியில வேலை பார்க்குறீங்க … கல்யாணத்துக்கு அப்புறம் என்னை படிக்க வைப்பீங்கன்னு சொன்னாங்க … அதுவும் நகை பணம் சீர்வரிசை எதுவும் வேணாம்னு சொன்னாங்க … அதனால என் சித்தி ஒண்ணு நான் உங்களை கல்யாணம் பண்ணனும் … இல்லன்னா அவங்க அண்ணனை கல்யாணம் பண்ணனும்னு சொல்லிட்டாங்க …

அதனால தான் நான் உங்களை கல்யாணம் பண்ணிக்க சம்மதிச்சேன் … இப்போ நீங்களோ நானோ போய் இந்த கல்யாணம் வேணாம்னு சொன்னா அடுத்து எனக்கு என் சித்தியோட அண்ணன் கூட தான் கல்யாணம் நடக்கும் … அவருக்கு என் வயசுல பசங்களே இருக்காங்க … உங்களை தான் நான் நம்பியிருந்தேன் … இப்போ நான் என்ன பண்ணுவேன் என்று முகம் மூடி அழுதவளை பார்க்க அவனுக்கு பாவமாக தான்  இருந்தது …

செந்தமிழ் அழாத … இங்க பாரு என்னை பாரு … அவன் அதட்டலாக பேச அவள் அவனை நிமிர்ந்து பார்த்தாள் … உனக்கு என்னை பிடிச்சிருக்கா ?? என்று அவன் கேட்க … அவள் ஒன்றும் பேசாமல் அவனை பார்த்தாள் …

ம்ச் … உனக்கு காது கேட்காதா … எல்லாம் ரெண்டு தடவை சொல்லணுமா … என் கால பார்த்தியா … எனக்கு ஒரு கால் உயரம் கம்மியா இருக்கும் … அதனால நான் சாய்ச்சு தான் நடப்பேன் … எனக்கு 28 வயசு ஆகுது உன்னை விட 9 வயசு அதிகம் … இதல்லாம் என்கிட்ட இருக்க குறை … இப்ப சொல்லு இன்னும் உனக்கு என்னை பிடிச்சிருக்கா ?? என்று அவன் அவள் கண்களை பார்த்து கேட்க …

அவள் கண்களோ அவன் கண்களை பார்த்து ரசித்து … பின் அவன் இதழை பார்த்து உள்ளுக்குள் தடுமாற … ஹ்ம்ம் … உடம்புல இருக்கிறது குறை இல்ல … மனசுல இருக்கிறது தான் குறை … இவ்ளோ நேரம் பொறுமையா நீங்க என்கிட்ட பேசுறீங்க … என்னோட கருத்தை கேட்கிறீங்க … அதுனால நீங்க நல்லவர் … எனக்கு உங்களை பிடிச்சிருக்கு என்று சொன்னாள் செந்தமிழ் …

இளமாறன் ரொம்ப நேரம் நிற்க முடியாமல் உட்கார்ந்து  கொண்டான் … நாம ரெண்டு பேரும் கல்யாணம் பண்ணிக்கலாமா என்று அவன் கம்பீரமாக மார்பை நிமிர்த்தி அவள் விழிகளை பார்த்து கேட்க … பாவையவள் சொக்கி தான் போனாள் …

செந்தமிழ் உன்னை தான கேட்கிறேன் என்று அவன் கத்த … ஹ்ம்ம் … ஹ்ம்ம் … நீங்கதான கொஞ்ச நேரத்துக்கு முன்னாடி கல்யாணம் வேணாம்னு சொன்னீங்க … இப்போ இப்படி கேட்கிறீங்க … என்று அவள் விழிகளை உருட்டி தயங்கி தயங்கி கேட்க … இளமாறன் லேசாக புன்னகைத்தான் …

நாம கல்யாணம் பண்ணிக்க போறோம் … ஆனா கணவன் மனைவியா வாழப்போறது இல்ல என்று சொன்னவனை குழப்பமாக பார்த்தாள் … நான் வீட்ல ஒரே பையன் … என் அம்மாவுக்கு நான் தான் எல்லாம் … எனக்கும் அவங்க தான் உலகமே … நான் என் அம்மா சொன்ன படி தான் கேட்பேன் … ஆனா எனக்கு காதல் … கல்யாணம்லாம் விருப்பம் இல்ல … என் அம்மா என்னை கல்யாணம் பண்ணிக்க சொல்லி வற்புறுத்துறாங்க … என்னால அவங்க பேச்சை மீற முடியல என்று சொல்லிக் கொண்டே இருந்தவன் பேச்சை நிறுத்தி அவள் முகத்தை பார்த்தான் …

அவன் பேசுவதை அவள் கேட்டுக் கொண்டிருக்கிறாள் என்பதை … அவள் முகத்தை பார்த்து உறுதி செய்து கொண்டவன் பேச்சை தொடர்ந்தான் … நான் கல்யாணம் பண்ணிக்கிட்டா என் அம்மா அவங்க வீட்டு சொத்து பணமும் … சேவிங்ஸ் பணமும் தரேன்னு சொல்லியிருக்காங்க … அதை வச்சு சொந்தமா சாப்ட்வேர் கம்பெனி ஆரம்பிக்கிறது தான் என்னோட ஆசை கனவு எல்லாமே … ஆனா என்னோட அம்மா நான் கல்யாணம் பண்ணிக்கிட்டா தான் பணம் தருவேன்னு  சொல்லிட்டாங்க …

அதனால நாம ரெண்டு பேரும் கல்யாணம் பண்ணிக்கலாம் … ஒரு ஆறு மாசம் ஒண்ணா இருக்கலாம் … அதுக்குள்ள என் அம்மா கிட்ட பேசி பணம் வாங்கி நான் பிசினஸ் ஆரம்பிச்சுருவேன் … அதுக்கப்புறம் ஏதாவது காரணம் சொல்லி டிவோர்ஸ் பண்ணிக்கலாம் என்று அவன் சொன்னதும் அவள் அதிர்ச்சியாக அவனை பார்த்தாள்…

நீ எனக்கு இந்த உதவி பண்ணா நான் உன்னை காலேஜ்ல சேர்த்து விடறேன் … உனக்கு காலேஜ் பீஸ் ஹாஸ்டல் பீஸ் எல்லாம் நானே கட்டிடுறேன் … நீ படிச்சு முடிச்சு வேலை வாங்குற வரை … உனக்கு தேவையானது எல்லாம் பண்றேன் என்று அவன் சொல்ல அவள் சிலையாய் நின்றிருந்தாள் …

நீ பயப்படாத … கணவன் மனைவிங்கறது ஊருக்காக என் அம்மாவுக்காக மட்டும்தான் … நான் உன்னை தொட மாட்டேன் … என் விரல் கூட உன் மேல படாது … உன்னை எந்த தொந்தரவும் பண்ண மாட்டேன் … சாப்பாடு … இருக்க பாதுகாப்பான இடம் … படிப்பு இதெல்லாம் உனக்கு சரியா பண்ணிடுவேன் … உனக்கு லீகலா விவாகரத்து குடுத்திடுவேன் …

நீ அதுக்கப்புறம் படிச்சு வேலைக்கு போய் … உன்னோட அழகுக்கும் வயசுக்கும் ஏத்த … உடம்புல குறையில்லாத மாப்பிள்ளையை பார்த்து கல்யாணம் பண்ணிக்கோ என்று அவன் சொல்ல … அவள் இன்னும் அதிர்ச்சி குறையாமல் தான் இருந்தாள் … அது அவள் முகத்திலேயே தெரிந்தது …

இதுக்கெல்லாம் உனக்கு சம்மதம் அப்படின்னா கீழ வந்து என்னை பிடிச்சிருக்குன்னு சொல்லு  … இல்லை நீயே வந்து என்னை பிடிக்கலை அப்படின்னு சொல்லிடு … நான் சொல்லமுடியாது … என் அம்மா மனசை என்னால நோகடிக்க முடியாது என்று இளமாறன் பேசி முடித்து செந்தமிழை பார்க்க … அவள் கண்ணீருடன் அவனை தான் பார்த்துக் கொண்டிருந்தாள் …

அவன் மெல்ல நடந்து செல்ல … அவன் படியில் இறங்க போகும் போது எனக்கு சம்மதம் என்று தன் செவ்விதழ் மலர்ந்தாள் பாவை … அவளை பார்த்து அழகாய் புன்னகை செய்தவன் … ஓகே என்பது போல் பெருவிரலை காட்டி விட்டு கீழே சென்றான் … இப்போதைக்கு சித்தியின் கொடுமையில் இருந்து தப்பிக்க வேண்டும் … சித்தியின் அண்ணனிடம் இருந்து தப்பிக்க வேண்டும் என்று நினைத்தவள் முகத்தை துடைத்து கொண்டாள் …

கீழே இறங்கி சென்றாள் … என்னப்பா எல்லாம் பேசிட்டீங்களா … கல்யாணத்துக்கு சம்மதமா என்று சபையில் இருந்த ஒரு பெரியவர் இளமாறனை பார்த்து கேட்க … எனக்கு சம்மதம் … ஆனா செந்தமிழ் சம்மதத்தை கேளுங்க என்றான் … இப்போது எல்லோரும் திரும்பி அவளை பார்க்க எனக்கு சம்மதம் என்றாள் …

பாவம் இளமாறனை பற்றி முழுதாக தெரியாமல் சம்மதம் சொல்லி விட்டாள் செந்தமிழ் … கொடுமையில் இருந்து தப்பிக்கிறேன் என்று நினைத்து பெரிய கொடுமையில் சிக்கிக் கொண்டாள் … அவன் தன்னுடைய சுயநலத்திற்காக அவளுடைய வாழ்க்கையை பலியாக்க போகிறான் என்று தெரியாமல் மாட்டிக் கொண்டாள் … இதையெல்லாம் தெரிந்து கொள்ளும் போது பாவம் அவள் எல்லாவற்றையும் இழந்து நின்றிருப்பாள் …

காதலாய் வருவாள் 💞 …..