பிறை -25
அடுக்களையில் நின்று கண்ணை கசக்கிக் கொண்டிருந்தார் மீனாட்சி. மனைவியை பார்க்க அடுக்களை வந்த திவாகருக்கு , மனைவி கண்ணை கசக்கிக் கொண்டு நிற்பதை பார்த்து பதறிப் போனவர்..
” ஹே மீனு என்ன டி ஆச்சு.. ஏன் இப்படி அழுதுட்டு இருக்க.. ” என அவரது கண்ணை துடைத்து கொண்டு கேட்க..
” எல்லாம் போச்சு.. ”
” என்ன டி எல்லாம் போச்சு ”
” ஐயோ அதை நான் எப்படி சொல்லுவேன்.. என்னால தாங்கவே முடியல திவா”
” சும்மா கத்தாத டி.. என்ன விஷயம்னு புரியுற மாதிரி சொல்லு ” அவருக்கும் மண்டை காய்ந்தது.
” நீங்களே சொல்லுங்க.. இத்தனை வருஷம் பெத்து வளர்த்து ஆளாக்குன அப்பா அம்மாவை விட்டுட்டு யாராவது தனிக் குடித்தனம் போவாங்களா.. ”
” ஏன் போனா என்ன தப்பு.. அவங்க வாழ்க்கையை அவங்க வாழ போறாங்க ”
” ஆனால் அந்த மருமகளுக்கு இஷ்டம் இல்லங்க… அவங்க மகன் தான் வம்பு பண்ணி கூட்டிட்டு போறான்.. ”
” மீனு தனியா போனத்தான் குடும்பம் எப்படி ரன் ஆகும்னு அவங்களுக்கும் தெரியும்..”
” அதில்லைங்க.. அது கூட்டு குடும்பம்.. அதுல இந்த பையன் மட்டும் போனா நல்லாவா இருக்கும்.. மிச்ச ரெண்டு பசங்களும் அப்பா அம்மா பேச்சை கேட்டுட்டு இருக்கும் போது.. இவங்களுக்கு என்னவாம்.. பெத்த தாய் மனசு என்ன பாடு படும்..”
” யார் வீட்ல டி இப்படி நடந்துச்சு..”
” பாண்டியன் வீட்ல தான்..நிரோஷா ஒரே அழுகை ” என்றதும்.. அவரும் புரியாமல்.. ” யாரு டி பாண்டியன் எனக்கு தெரியாம..” என்றார்.
” அட விஜய் டிவில பாண்டியன் ஸ்டோர்ஸ் நாடகம் .. நீங்க பார்த்ததில்லையா ” என்றதும்… ஏகத்திற்கும் அவருக்கு பீபி ஏறி போனது.
” ஐயோ ஆண்டி… ” என வாய் விட்டு அடக்க மாட்டாமல் சிரித்து வைத்தாள் பிறை.
அப்போது தான் அடுக்களை வாசலில் நின்ற பிறையை இருவருமே கவனித்தனர்.
” அட வா மா பிறை ” என சேலையால் கண்ணை துடைத்து கொண்டு அவளை அழைத்தார் மீனாட்சி.
சிரிப்பை அடக்க முடியாமல் அவர்களை நெருங்கியவள்.. ” அது தண்ணி குடிச்சுட்டு போகலாம்னு வந்தேன்.. அப்போதான் இந்த பேச்சு காதுல விழுந்துச்சு.. ஓரளவுக்கு நான் கெஸ் பண்ணேன்.. அதான் முழுசா கேட்டுட்டேன்.. சாரி ஆண்டி.. சாரி அங்கிள்.. ” என மன்னிப்பை வேண்ட..
” அட என்னமா நீ.. காலையிலேயே என்னைய டென்ஷன் பண்ணிட்டா… நான் என்னமோ எதோன்னு பயந்துட்டேன்.. நான் இன்னைக்கு வர லேட் ஆகும் மீனு.. ஒரு முக்கியமான வேலை இருக்கு.. ஜாக்கிரதை.. போயிட்டு வரேன் ” என்றவர்.. மனைவியின் நெற்றியில் முத்தமிட்டு கிளம்பி விட.. அவர்களை ஆச்சரியமாக பார்த்து வைத்தாள் பிறைநிலா.
கணவனுக்கு விடை கொடுத்தவர்.. ” நான் நைட்டு உன் ரூம்ல தண்ணி வைக்க மறந்துட்டேன் மா.. இந்தா குடி ” என தண்ணீரை கொடுத்தவர்..
” இன்னைக்கு சாயங்காலம் ரெடியா இரு மா.. ஆதி வந்து உன்ன கூட்டிட்டு முக்கியமான ஒரு இடத்துக்கு போகனும்னு சொன்னான்.. கேஸ் விஷயமா ” என்றதும்.. குடித்துக் கொண்டிருந்த தண்ணீர் அவளுக்கு புறைக்கு ஏறியது.
” அட பார்த்து குடி மா ” என தலையை தட்டினார்.
” நீங்களும் கூட வருவீங்க தானே ஆண்டி..”
” நான் இல்ல மா.. நீயும் அவனும் மட்டும் தான் போகனும்.. பயப்படாம போயிட்டு வா ” என்றவருக்கு வேலை வரிசை கட்டி நிற்க.. வேலையை ஆரம்பித்தார். அதே யோசனையோடு அறைக்கு வந்தவள்.. நொடிக்கு ஒரு முறை கடிகாரத்தை பார்த்துக் கொண்டிருந்தாள்.
ஏனோ நேரம் வேகமாக ஓடுவதை போல அவளுக்கு தெரிந்தது. காலமும் நேரமும் யாருக்காகவும் காத்திருக்காது அல்லவா.. மாலையை நெருங்க இன்னும் ஒரு மணி நேரம் தான் இருந்தது. சுஷ்மிதா வீட்டில் இருந்து அவளது ஆடைகள் வந்திருக்க.. அதிலிருந்து ஒன்றை எடுத்து அணிந்து கொண்டாள்.
சிவகாமி அறையில் பதட்டமாக அமர்ந்திருந்தார். ” என்ன விசாரணை என்னனு தெரியல.. பொண்ணு தனியா வேற போறா.. ”
” அவர் தானே காப்பாத்தி கூட்டிட்டு வந்தாரு.. அதே மாதிரி பத்திரமா கூட்டிட்டு வருவாரு.. நீ கவலைப்படாத.. ” என மனைவியை தேற்றினார்.
” இருந்தாலும் நம்ம யாராவது கூட போனா சரியா இருக்குனு தோணுதுங்க ”
” நம்ம தான் கூட போகக் கூடாதாம்.. நான் பிறை கிட்ட பேசிட்டு வரேன் ” என மகளை பார்க்க அவளது அறைக்கு சென்றார் சிவானந்தம்.
” வாங்க பா ”
” கிளம்பிட்டியா மா ”
” ம்ம் ஆச்சு பா ”
” பார்த்து பத்திரமா போயிட்டு வா.. எல்லாம் நல்ல படியா முடிஞ்சா நம்ம ஊருக்கே போயிடலாம் ”
அவரை அழுத்தப் பார்வை பார்த்தவள்.. ” ஊருக்கு போறது எனக்கு எந்த பிரச்சனையும் இல்ல பா.. யார் என்ன பேசினாலும் எனக்கு கவலையும் இல்ல ”
” ஐயோ அப்பா உன்னைய அப்படிலாம் பேச விட்டிடுவேனா மா ”
” நான் முழுசா பேசிக்கிறேன் பா ” என்றதும் அவர் அமைதியாகி போனார்.
மனதில் இருந்து அழுத்திக் கொண்டிருந்த விஷயங்களை எல்லாம் கொட்டி விட வேண்டும் என்பதில் பிடிவாதமாக இருந்தாள் பிறை. எத்தனை நாள் தான் உள்ளுக்குள் வைத்திருக்க முடியும்.. ஒரு நாள் பாரம் தாங்காமல் வெடிக்கத் தான் போகிறது. அதற்குள் அவளே ஒரு நல்ல முடிவை எடுத்து விடலாம் என்ற எண்ணத்தில் தான் கிடைத்த வாய்ப்பை நழுவ விடாமல் தந்தையிடம் பேச்சு வார்த்தையில் இறங்கி விட்டாள்.
” ஊருக்கு போனதும் எனக்கு கல்யாணம் பண்ணுற ஐடியா இருந்தா அதை இப்போவே இங்கேயே விட்டுடுங்க பா.. இதுக்கு மேல நான் எதையும் பேச விடும்பல ”
” கண்ட பயலுக்கு எல்லாம் அப்பா உன்னைய கட்டி வைப்பேனா மா.. என் தங்கச்சி மகன் உன்ன கட்டிக்க சம்மதம் சொல்லிருக்கான்.. உன் அத்தையும் உன்ன கல்யாணம் பண்ணி அது வீட்டுக்கு கூட்டிட்டு போக ரெடியா இருக்கா.. உன் அத்தை வீடு உன் இஷ்டம் போல நீ இருக்கலாம்.. அப்பாத்தாவும் அங்க வந்து உன்ன அப்போ அப்போ பார்த்துட்டு போகும் .. நாங்களும் நிம்மதியா இருப்போம் ” என்றவரை விழி விலக்காமல் பார்த்தவள்..
” இந்த கல்யாணம் நடந்தா.. எல்லாரும் நிம்மதியா இருப்பீங்க.. ஆனால் நான் நிம்மதியா இருப்பேனா பா.. ” மகளின் கேள்வியில் சற்றே அதிர்ந்தவர்..
” பிறை.. என்ன மா ”
” என்ன பா.. உங்களுக்கே உங்க தங்கச்சியை பத்தி தெரியும் தானே.. சரியான சுயநலவாதி.. காசுக்கு அலையுற பேய்.. இப்போவும் நம்ம சொத்து எல்லாம் வெளிய போயிட கூடாதுனு தான் என்ன கேட்டிருக்காங்க.. நம்ம அம்மாவை அவங்க பேசாத பேச்சு இல்ல.. எல்லாத்தையும் தாங்கிட்டு வாழுறதுக்கு நான் சிவகாமி இல்ல பா.. பிறைநிலா.. என்னால அப்படியெல்லாம் இருக்க முடியாது.. உங்க தங்கச்சி பத்து வார்த்தை பேசினா நான் பதினைஞ்சா பேசுவேன்.. எனக்கு உங்க தங்கச்சி வீட்டுல செட் ஆகாது.
இன்னொரு முக்கியமான விஷயம்.. உங்க தங்கச்சி வீட்ல என்னால அடிமை வாழ்க்கை வாழ முடியாது. உங்க தங்கச்சி பசங்க என்ன விட சின்ன பசங்க.. அவங்களை எல்லாம் என்னால கல்யாணம் பண்ணிக்க முடியாது. இதுவரைக்கும் அம்மாக்கு நடந்த எந்த கொடுமையான விஷயத்துலயும் நான் தலையிட்டது கிடையாது.. ஏன்னா புருஷன் நீங்களே அவங்களை அடிமை மாதிரி நடத்த விட்டீங்க.. நான் பேசி உங்க ரெண்டு பேருக்கும் இடையில சண்டை வந்துடும்னு நான் சண்டை போட மாட்டேன். ஆனால் சில விஷயங்கள் உங்க அம்மாவும் உங்க தங்கச்சியும் பண்ணும் போது நான் என் அம்மாவை காப்பாத்தி இருக்கேன். நாளைக்கு என்னைய யார் அந்த வீட்ல வந்து காப்பாத்துறது..
இன்னொரு முறை உங்க தங்கச்சி பையனுக்கு என்னைய பேசுற நினைப்பை விட்டுடுங்க.. உங்க தங்கச்சி பேசுனா இந்த கல்யாணம் வேண்டாம்னு சொல்லிடுங்க.. இல்ல தங்கச்சி பாசம் தான் முக்கியமா இருந்தா.. இந்த கல்யாணம் நடக்கட்டும்.. ஆனால் அதுக்கு அப்பறம் யாருமே நிம்மதியா இருக்க முடியாது.. சொல்லிட்டேன்.. ” மகளின் பேச்சில் சிலையாகி போனார் சிவானந்தம். இத்தனை தூரம் தன் மகள் பேசுவாள் என இத்தனை வருடமும் அறியாது போனார்.
மகளிடம் பேசினால் இந்த திருமணம் நடந்து விடும் என மனக்கோட்டை கட்டியிருந்தார். அது நொடியில் சரிந்திருந்தது.
மெதுவாக தொண்டையை கணைத்தவர்.. ” என் தங்கச்சி பையன் கூட கல்யாணம் வேண்டாம்னு சொல்லிட்ட .. எனக்கு நீ சொல்றதும் சரின்னு தான் தோணுது. நான் உங்க அம்மாக்கு நியாயம் பண்ணல பிறை. இனிமேலாவது அவளை சந்தோஷமா பார்த்துகக் முயற்சி பண்ணுவேன். ஆனால் என் தங்கச்சி மகனை விட்டு அப்பா வேற மாப்பிள்ளை பார்த்தா நீ அதுக்கு சம்மதம் சொல்லுவியா ”
சற்றே யோசித்தவள்… ” ம்ம் சொல்லுவேன் பா ” தெளிவாக கூறினாள்.
மகளின் தெளிவில் மனம் சாந்தியாகி போக.. அவளது தலையை வருடி விட்டு திரும்ப.. வாசலில் ஆதி யூனிபார்மில் மிடுக்காக நின்று கொண்டிருந்தான்.
‘ இவரு எப்போ வந்தாரு.. பேசுனது எல்லாம் கேட்டிருக்குமோ ‘ சிந்தனையில் இருக்க.. ” நேரமாச்சு போகலாமா ” பொதுவாக கேட்டான்.
மகளை அவனோடு அனுப்பி வைத்து விட்டு அறைக்கு வந்து விட்டார் சிவானந்தம். மகள் பேசியது எல்லாம் தலைக்குள் ஓடிக் கொண்டிருந்தது. இத்தனை வருடம் தான் வாழ்ந்த வாழ்க்கையை திரும்பி பார்த்தவருக்கு அயாசமாக இருந்தது.
தார் சாலையில் அந்த வாகனம் வழுக்கிக் கொண்டு சென்றது.
ஏனோ அவனருகில் அமர்ந்திருக்கவே அத்தனை பயமாக இருந்தது அவளுக்கு. நேற்று பேசியதற்கு எதுவும் பேசி விடுவானோ.. அல்லது அந்த பேச்சை ஆரம்பித்து விடுவானோ என்ற பயம் தான்.
” நீ பயப்புடுற அளவுக்கு நான் எந்த கேள்வியும் கேட்க போறதுல்ல.. அங்க வந்து இன்வெஸ்டிகேஷன் இருக்கு.. அங்க என்ன நடந்துச்சுன்னு அப்படியே ஒன்னு விடாம சொல்லனும் ”
” என்ன சொல்லனும் ”
” நீ அங்க என்ன பார்த்த, யார் யார் இருந்தாங்க.. என்ன பேசினாங்க.. நீ என்ன ஆன்சர் பண்ண.. எதுவும் தப்பா தெரிஞ்சதா.. இல்ல உனக்கு யார் மேலயும் ஏதாவது சந்தேகம் இருக்கா.. இப்படி எல்லாம் நீ சொல்லனும் ”
” யார் கிட்ட ”
” ஹையர் ஆபீசர் இருப்பாங்க ”
” நீங்க இருப்பீங்களா ” கண்களின் வழியே தவிப்பை கூட்டி கேட்டவளை பார்த்தவனுக்கு உள்ளுக்குள் ஏதோ பிசைந்தது.
” நான் இருக்கனுமா ”
” ம்ம் ”
” ஏனாம் ”
” அது.. வந்து.. அது அங்க யாரையுமே எனக்கு தெரியாதே ”
” என்னைய மட்டும் பல வருஷமா உனக்கு தெரியுமோ ” அவனது நக்கல் கேள்வியில் தலையை குனிந்து கொண்டவள்..
” அது.. கொஞ்சம் பயம் இல்லாம பேசுவேன்.. அதான்..”
” வரேன்..” ஒரே வார்த்தையில் அவளது ஒட்டு மொத்த தவிப்பையும் அடக்கி இருந்தான் ஆதிதேவ் ஆருத்ரன்.
எதற்காக அவள் அவனை தேடுகிறாள் என அவளும் உணரவில்லை. இவளை எதற்காக அவனது வீட்டில் தங்க வைத்து பாதுகாப்பு கொடுக்கிறான் என அவனும் அறியவில்லை. அறியாத புதிர்களை காலம் உணர்த்துமோ !
காதல். காலத்திற்கு அப்பாற்பட்டது. பல மாயாஜலங்கள் செய்ய வல்லது. பார்ப்போம் இவர்களுக்கு இடையில் மாயாஜாலம் நிகழாமல் போய் விடுமா என்ன !
சனா 💗