வாழ்ந்துவிட்டு போ

முடிந்து போன பயணத்தில் உன்னை தேடுகிறேன் 

மூழ்கிய பின்னும் மூச்சு நின்ற கதை தெரியாத  

சுவாசம் மரித்த ஜீவன் நான்

பற்று அற்று பறக்க நினைத்தேன் 

என் வானில் வேகம் கூடிய இன்னுமொரு 

சிறகு நீ ஆனாய் 

வேடந்தாங்கல் மறந்து போனேன் 

மனதை வேட்டையாடிய வேடன்

நீயென உணராமல் 

கடந்து போன உன்னிலே நான் 

இனி பிழைக்கப்போவதில்லை 

காலம் உதவுமென காயங்கள் சொல்கிறது 

முடிந்தால் வாழ்ந்து விட்டு போ

என் சாபங்கள் வாழ்த்துகளாய் மாறி

வெகு நாட்களானது 

இருந்தும் 

எங்கோ ஓரமாய் 

விஷ முள் குத்தியது

முதல் காதலின் மெல்லிய தாக்கம் கொண்டு.

கமலா.வரிகள்