புயலாய் தாக்குதே காதல் – 23

புயல் 23

“பழியை அவன் மேல தூக்கிப் போடாத ருத்ரா. வீராவைப் பத்தி எனக்குத் தெரியும்?” மணியம்மாள் இப்படித்தான் சொல்லுவார் என்று தெரிந்ததுதானே அவனிடம் இருந்து கசந்த புன்னகை ஒன்று வந்தது.

அந்த தோரணை நீ எப்படி சந்தோஷமாய் இருப்பாய் என்று பார்க்கிறேன் என்பது போல் இருந்தது.

எவ்வளவு பணம் நீங்க எடுத்துச் செலவு செஞ்சிருக்கீங்க. அந்த கணக்குக்கு கடையோட பார்ட்னர்ஷிப்ல இருந்து நீங்க விலகித்தானே ஆகணும்”

இருவரும் பேசிக் கொண்டிருக்கும் போதே, “இங்க என்ன நடக்குது?” லட்சணா உள்ளே வர, வீரா பம்மினான்.

அது உண்மை என்பதால் அவளும் அமைதியாக இருந்தாள். அவளும் சில முறை சொல்லியிருக்க அவன் கேட்டதே இல்லை. எல்லாத்தையும் அண்ணன் பார்த்துக்குவான் என்று முடித்துக் கொள்பவனிடம் மேற்கொண்டு அவள் எதுவும் சொல்லவில்லை. ஆனால் இப்படியொரு நாள் வரும் என்று எதிர்பார்த்திருந்தாள்.

வீரா வாய் மூடிக் கொண்டது. பிடிபட்ட பாவனையுடன் அவளை பார்த்தான்.

இல்லை இங்கேயே இருந்துக்கோ நான் கிளம்பிடுறேன். பிள்ளையை எப்படிப் பார்த்துக்கணும்னு எனக்குத் தெரியும்”

மணியம்மாள் தன் கணவனை இதுக்கெல்லாம் காரணம் நீதான் என்று ஆங்காரமாக பார்க்க அவரோ தலை கவிழ்ந்து நின்றுவிட்டார்.

எப்போதும் மணியம்மாளை உறுத்தும் விஷயம் அதுதானே. அதுவும் உமாவுக்கு தெரியும் என்ற போதே அவரால் தாங்கிக் கொள்ள முடியவில்லை. இப்போது இவளுக்கும் தெரிந்ததில் மனம் கசங்கிப் போனது.

“ஓஹ் ஆமால.. அப்படிக் கூட இருக்கும்ல. அப்போ இதையும் இவங்கதான் திட்டம் போட்டு ரெடி பண்ணாங்களா?”

என்று பேங்க் ஸ்டேட்மெண்ட்டை அவர் முன் நீட்டினாள்.

வாங்கிப் பார்த்தவருக்கு தலை கிறுகிறுத்தது.

அவ்வளவு பணம்.. இதற்காகத்தான் ருத்ரனை விடாமல் பிடித்துக் கொண்டது. அந்த பணம் அநாமத்தாக வேறு ஒரு பெண்ணிற்குச் சென்றதை ஏற்கவே முடியவில்லை.

“இதைக் கூட ஏத்துக்கலாம். உங்க பையன் அந்த பழியை ருத்ரன் மாமா மேல போட்டதை தான் என்னால ஏத்துக்க முடியல. ஏற்காடு திடீர்னு கூட்டிட்டுப் போனபோதே எனக்கு சந்தேகம். அதான் என் அப்பாகிட்ட ருத்ரன் மாமாவை ஃபாலோ பண்ணி விஷயம் என்னென்னு பாருங்கன்னு சொல்லிட்டுப் போனோன். நேத்து அம்மா வீட்டுக்குப் போனதும் அதுக்காகத்தான். குடும்பத்தை பிரிக்கணும்னு நினைச்ச உங்க பிள்ளையை விட்டு என்னால பிரிய முடியும். ஆனால் பிரிஞ்சுப் போயிட்டால் அவன் பண்ண தப்புக்கு எப்படித் தண்டனைத் தர்றது. அவன் கூடவே இருந்து தண்டனை தர்றதுதான் சரியா இருக்கும்னு முடிவு பண்ணிட்டேன். இனி அவன் வாய் திறக்கவே கூடாது.. கிளம்பு” அவளது அதிகாரத்தில் அடங்கிப் போவதைத் தவிர அவனுக்கு வேறு வழியில்லை.

புயல் அடித்து ஓய்ந்தது போல் இருந்தது.

ருத்ராவை நிமிர்ந்து மணியம்மாள் பார்க்க அவனோ உமாவுடன் பேசிக் கொண்டிருந்தான்.

ருத்ரன்! அவன் கடைக்குள் நுழைந்ததில் இருந்து யாரையும் கடைக்குள் வரவிட்டதே இல்லை. அந்தளவிற்கு உழைப்பான். அவன் வருவதற்கு முன் வரை மணியம்மாளும் சேர்ந்து கடையில் இடுப்பொடிய நின்று வேலை பார்த்திருக்கிறார். இப்போது நினைத்துப் பார்க்கையில் இந்த சொகுசு எல்லாம் அவன் அளிக்கும் பிச்சை என்று புரிந்தது.

அதில் பாசம் எல்லாம் அவ்வளவு அதிகமாக இருந்து விடவில்லை. ஆனால் மறைமுகச் செய்தி ஒன்று இருந்தது. அது உடம்பு வணங்காத மணியம்மாளின் நிலை மட்டுமே

ருத்ரனும் நானும் ஆசைப்பட்டது உங்களுக்குப் பிடிக்கலை. அதை நீங்களும் பலவழியில காட்டுனீங்க. பொறுத்துக்கிட்டேன். சில சமயம் எனக்கு எப்படி இருக்கும் தெரியுமா? இந்த இழவெடுத்த காதலை ஏன்டா பண்ணித் தொலைச்சோம்னு இருக்கும். நான் கிச்சன்ல வேலை செஞ்சுட்டு இருப்பேன். ஏதாவது செய்யணுமா அப்படிங்கிற கர்டஸிக்குக் கூட நீங்க எதுவும் கேட்டதில்லை. ஆனாலும் செஞ்சேன். ஏன்? இது என்னோட வீடுன்னு நான் நினைச்சேன். உங்களோட நினைப்பு வேற மாதிரி இருந்துருக்குன்னு லட்சணாவுக்குத் தனி கவனிப்பு கவனிச்சப்போ புரிஞ்சது. பொதுவா இரண்டு பசங்க இருக்குற வீட்டுல வர்ற பிரச்சனைதான் இது. ஆனாலும் ருத்ரனை நீங்க ரொம்பவே யூஸ் பண்ணிக்கிட்டீங்க. அதுமட்டும் இல்லை. அவன் மேல இல்லாத பழி போட்டீங்க. அப்பாவும் நானும் போய் பேசிட்டு வந்தோம் அவன் கேட்கவே இல்லைன்னு வீரா சொல்லும் போதே நீங்க அது உண்மைதானான்னு கேட்டுக் கன்பார்ம் பண்ணீங்களா? ருத்ரன்கிட்ட.. இல்லையே. உங்களுக்கு வீரா சொல்லுறது தான் சரி. ருத்ரன் வேலைக்காரனா சரி.. அப்படியொரு கோணத்துல இருந்தீங்கன்னா.. மூத்தப் புள்ளையோட மனசை உங்களால என்னைக்கும் புரிஞ்சுக்க முடியாது. வீராவுக்கு பங்கு இல்லைன்னு இப்போதைக்கு சொன்னது அவன் கொஞ்சமாச்சும் குடும்ப பொறுப்புக்குள்ள வரணும்னு தான். அவனோட பங்குப் பணத்தை பேங்க்ல டெபாசிட் பண்ணியிருக்கு. அந்த பணத்தோட இன்ட்ரெஸ்ட் வரும். அதை நீங்க உங்களுக்கு யூஸ் பண்ணிக்கோங்க. என்னடா இப்படித் தனியா விட்டுட்டு போறாங்களேன்னு யோசிக்காதீங்க. காலம் எல்லாத்தையும் மாத்தும். அதுவரைக்கும் தனித்தனியா இருக்குறதுதான் பெட்டர். இது உங்க மூத்த புள்ளையோட முடிவுதான். சோ நான் வந்துதான் குடும்பத்தை பிரிச்சுட்டேன்னு இனி சொல்லாதீங்க” எழுந்து சென்றுவிட்டாள்.

“என்னடி அட்வைஸ் மழை பொழிஞ்சுட்டு வர்ற”

“அட்வைஸா! மனசுக்குள்ள அழுத்திட்டே இருக்க விஷயம் ருத்ரா. இதைச் சொல்லாமல் என்னால இருக்க முடியல. அதான் சொல்லிட்டேன். ஏன் உன் அம்மாவைச் சொன்னதும் உனக்கு மனசு தாங்கலையா?”

“இப்போ மனசுக்குள்ள உமா தங்கம் நான் தங்கியிருக்கு. அதனால? எல்லாம் தாங்கும்”

“என்ன தாங்கும்”

“தங்கம் என்னைத் தாங்கும். தாங்குறயா?” பிரச்சனையை முடித்த சந்தோஷத்தில் அவன் எதற்கோ அடிபோட அவன் தலையிலேயே அடிபோட்டவள் “இரண்டு நாளா ஊர்சுத்திட்டு இருந்தது எல்லாம் போதும். இப்போக் கடைக்குப் போங்க  நான் லட்சணா கிட்ட பேசணும்..” என்றதும் அவனும் கிளம்பிவிட்டான்.

புயல் தாக்கும்.