உயிர்ப்பாங்கி நண்பேன் டா – 10

அத்தியாயம் 10

” என்ன இரண்டு பேரும் வெட்டியா பேசிக்கிட்டு இருக்கீங்க . காலேஜிக்கு டைமாகலையா. வாங்க போய் சாப்பிடுவோம் ” என்றார் ராஜன் . மகள் , மனைவியிடம் எப்படியாவது  தப்பித்தால் போதுமென்று .

பேக்கை எடுத்துக் கொண்ட சந்தியா ,” பாய் பா , பாய் மா ” என்றாள் .

” ஆல் தி பெஸ்ட் ”  என்றார் ராஜன் .

” ஓகே பா ” என்ற சந்தியா முகமலர்ச்சியாக பஸ் ஸ்டாப்பிற்கு சென்றாள் .

ராஜன் , ஈஸ்வரி இருவரும் மன நிறைவாக அவளை பார்த்து நின்றனர் .

” என்னங்க சந்தியா இப்போ சந்தோஷமா இருக்க காரணம் சத்யா தான் . அவன் சந்தியா காதலை ஏத்துக்கலைனா என்ன செய்றது ” என்று கவலையாக கேட்டார் ஈஸ்வரி.

” அவன் கழுத்தில் கத்தி வைத்து மிரட்டியாவது என் மகளின் கழுத்தில் தாலி கட்ட வைத்துவிடமாட்டேன் . நீ கவலைப் படாதே ஈஸ் , நம்ம சந்தியா எப்போதும் சந்தோஷமா இருக்க என்னால் முடிந்ததை நான் செய்வேன் ” என்றார் ராஜன்

‘ ஓஹோ ! பாரு டா . இனி உன் மகள் சிந்தும் கண்ணீரை நிறுத்த வழி தெரியாது நிற்க போகிறாய்  ‘  என்ற விதி ராஜனை பார்த்து நக்கலாக சிரித்தது .

ஒரே படப்படப்பாக உணர்ந்தாள் சந்தியா . காலேஜ் பஸ்ஸில் ஏறி அமர்ந்தவள் , தீப்ஷீயிடம் என்னென்ன சொல்ல வேண்டும் என்று மனதில் முடிவெடுத்துக் கொண்டிருந்தாள்  .

காலேஜ் வந்துவிட , ஒரு வித பயத்தில் நடந்துக் கொண்டுவந்தவள் , ஒரு இடத்தில் கல் இருக்க அதை கவனிக்காமல் சென்றவள் , கால் தடுக்கி விழப் பார்த்தாள் .

நல்ல வேளை அங்கே வந்த பாலா , அதாங்க முதல் நாள் சந்தியாவை கலாய்த்த ஐவரில் ஒருவன் , நம்ம சத்யாவின் நண்பன் , சந்தியா கீழே விழாதது போல் அவள் கையை பிடித்துக் கொண்டான் .

தன்னை நிலை படுத்துக் கொண்ட சந்தியா , வேகமாக தன் கையை அவனிடம் இருந்து எடுத்தவள் , ” தேங்க்ஸ் அண்ணா , நல்ல வேளை நீங்க கீழே விழாமல் பிடிச்சிட்டீங்க , இல்லை என்றால் என் மானமே போய் இருக்கும் ” என்றாள் சந்தியா .

” பராவாயில்லை . ஏன் சிங்கம் ஏதாவது நம்ம காலேஜிற்குள் வந்துவிட்டதா ” என்றுக் கேட்டான் பாலா .

ஒன்னும் புரியாமல் திரு திருவென முழித்துக் கொண்டே நின்றாள் சந்தியா .

” இல்லை ஏதோ பயந்துக் கொண்டே வந்ததுப் போல் இருந்தது அதான் கேட்டேன் ” என்றான் பாலா .

” நான் பயந்துட்டு வரல , டென்ஷனா வந்தேன் . பாய் அண்ணா ” என்றவள் தன் கிளாஸ்ஸை நோக்கி சென்றாள் .

‘ ஓஹோ ! இதற்கு பெயர் டென்ஷனா . சரி தான் ‘ என்று நினைத்த பாலா சென்றுவிட்டான் .

தன் இடத்தில் சென்று அமர்ந்தவள் , தீப்ஷீ வருகிறாளா என்று பார்த்துக் கொண்டே இருந்தாள் .

அவள் நல்ல நேரம் , சரியாக பத்து நிமிடத்தில் கிளாஸ் உள்ளே வந்தாள் தீப்ஷீ .

” ஹாய் தீப்ஷீ , குட் மார்னிங் ”  என்றாள் சந்தியா .

‘ என்னடா பக்கத்தில் வருவதற்குள் இவள் ஹாய் சொல்கிறாள் . நமக்காக தான் காத்திருக்காளோ ? ‘  என்று மனதில் நினைத்தவள் வெளியில் , ” குட் மார்னிங் சந்தியா ” என்ற தீப்ஷீ , அவள் அருகில் சென்று உட்கார்ந்தாள் .

ரொம்ப நேரம் தயங்கிய சந்தியா , ‘ தீப்ஷீயிடம் சொல்லவில்லை என்றால் அவள் சத்யாவிற்கு வேறு பெண்ணை தேர்ந்தெடுத்தாள் என்ன செய்வது ? சந்தியா தைரியமா அவ கிட்ட சொல்லிடு ‘ என்று மனம் சந்தியாவிற்கு தைரியம் கொடுக்க , ” தீப்ஷீ , உன்கிட்ட ஒன்னு சொல்லணும்  ”  என்றாள் சந்தியா .

‘ ஒருவழியாக வாயை திறந்துட்டாள் ‘ என்று மனதில் நினைத்த தீப்ஷீ , ” சொல்லு சந்தியா ”  என்றாள் ஒன்றும் அறியாத குழந்தை போல் .

” என்னை தப்பாக நினைக்க மாட்டாயே ” .

” உன்னை போய் தப்பாக நினைப்பேனா . எதுவாக இருந்தாலும் தயங்காமல் சொல்லு சந்தியா ” .

” தீப்ஷீ , நான் சத்யாவை லவ் பண்ணுறேன் ” என்றாள் சந்தியா .

ஏற்கனவே தீப்ஷீ அறிந்த விஷயம் தான் என்றாலும் முகத்தில் ஆச்சர்யமும் , அதிர்ச்சியும் காட்டியவள் , ” எப்படி சந்தியா , பார்த்த மூன்று நாளில் காதலிக்க முடியும் ” என்றுக் கேட்டாள் .

” தீப்ஷீ , எனக்கு சத்யாவை இரண்டு வருடங்களுக்கு முன்பே தெரியும் ” என்றாள் சந்தியா .

” ஆனா, சத்யா உன்னை மூன்று நாள் முன்பு தானே பார்த்தான் ” .

” ஆம் , சத்யாவிற்கு என்னை தெரியாது தான். ஆனா, எனக்கு சத்யாவை நல்லா தெரியும் ” என்றாள் சந்தியா .

” என்ன பார்த்ததும் லவ்வா ? பார்க்கவும் அழகாக இருக்கிறான் , நல்லா படிக்கிறான் , யாரிடமும் கோபமாக பேசமாட்டான் . அதான் உனக்கு பிடித்துவிட்டதா ” என்று கேட்டாள் தீப்ஷீ , சந்தியாவின் காதல் உண்மையா, இல்லை வெறும் ஈர்ப்பினால் வந்த காதலா என்று தெரிந்துக்கொள்ள அவளிடம் கொக்கி போட்டாள்  .

” இல்லை தீப்ஷீ , நீ சொன்ன இயல்புகள் கொண்டு நிறைய பேர் இருக்காங்க. ஏன் தேவ் கூட நீ சொல்ற இயல்போட தான் இருக்கார். ஆனா எனக்கு அவங்க மேல் காதல் வரல்லையே, சத்யா மேல் தான் வந்திருக்கு . எனக்கு சத்யாவை ரொம்ப பிடிக்கும் தீப்ஷீ  . என்னுடையது ஆத்மார்த்தமான காதல் தான் ” என்று தெளிவாக சொன்னாள் தீப்ஷீ .

” சத்யாவை அந்த தேவ்வோடு சேர்த்து பேசாதே . சரி உன்னுடையது ஆத்மார்த்தமான காதல் தான் . ஆனா சத்யாவை பற்றி உனக்கு எந்த அளவு தெரியும் என்று எனக்கு தெரியாது . அவனை பற்றி சில உண்மைகள் சொன்னால் ,  அப்பவும் நீ சத்யாவை  காதலிப்பாயா என்பதில் எனக்கு நம்பிக்கை இல்லை ” என்றாள் தீப்ஷீ .

” ஓ ! நீ சத்யா அம்மா , அப்பாவை பற்றி சொல்லுறீயா ” என்றுக் கேட்டாள் சந்தியா .

இதுவரை இயல்பாக பேசிக் கொண்டிருந்த தீப்ஷீ , இப்போ ஒருவித கோபத்தோடு , ” ஆமா , உனக்கு எப்படி அவங்களப் பற்றி தெரியும் ”  என்றுக் கேட்டாள் தீப்ஷீ .

” இரு தீப்ஷீ சொல்லுறேன் . உனக்கு ஆர்.ஈ.எஸ் ஜுவல்ஸ் தெரியுமா ? “.

” ஏன் தெரியாது அந்த நகை கடைக்கு தான் இந்தியா முழுவதும் கிளைகள் இருக்கே . பெரிய பெரிய ஸ்டார்ஸ் வைத்து விளம்பரம் செய்றாங்க . அதான் டிவியை போட்டாலே அவங்க விளம்பரம் தான் வருதே . அப்படி இருக்க தெரியாமல் இருக்குமா ”  என்றாள் தீப்ஷீ .

” அந்த கடைக்கு ஒரே வாரிசு நான் தான் ” என்றாள் சந்தியா .

இப்போது உண்மையாகவே அதிர்ந்து போனாள் தீப்ஷீ .

” எனக்கு ஒன்னும் புரியல சந்தியா ” .

” உனக்கு நான் முதலில் இருந்து சொன்னா தான் புரியும் . நீ அவசியம் இன்னைக்கு கிளாஸ் அட்டன் பண்ணனுமா ? ” என்றுக் கேட்டாள் சந்தியா .

” இல்லை , ஆஃப்டர்நூன் கிளாஸ்ஸை அட்டன் செய்யலாம் . இப்போ நாம் கேன்டீன் போவோம் , எனக்கு தலை வலிக்குது , டீ குடித்தால் தான் சரியாகும் ” என்றாள் தீப்ஷீ .

இருவரும் கேன்டீன் சென்று , தங்களுக்கு வேண்டியதை ஆர்டர் செய்தவர்கள் அங்கிருந்து டேபிளில் உட்கார்ந்தனர் .

” இப்போ சொல்லு சந்தியா ” .

” சத்யாவை நான் முதல் தடவ  பார்த்தது பஸ்ஸில் தான் . நான் அன்னைக்கு லேட்டா தான் கம்ப்யூட்டர் கிளாஸ்ஸிற்கு கிளம்பினேன் அதான் வேறு வழியில்லாமல் கூட்டமான பஸ்ஸில் ஏறிவிட்டேன் . ஒருவன் கூட்டத்தில் என்னை உரசிக் கொண்டே, கிடைத்த வாய்ப்பை பயன்படுத்த முயற்சி செய்தான் . பயத்தில் எனக்கு அழுகையே வந்தது ஆனா , எப்படி என்னை காப்பாற்றிக் கொள்வதுனு தெரியாமல் நின்றுக் கொண்டிருந்தேன் . அப்போ சத்யா வந்து எனக்கும் அந்த பொறுக்கிக்கும் நடுவில் நின்றுக் கொண்டான் ” .

” என்னோட ஸ்டாப் வர நான் , சத்யா , அந்த பொறுக்கி மற்றும் சிலர் இறங்கினோம் . நான் முதலில் சத்யா சாதாரணமாக தான் வந்து நின்றான் என்று நினைத்தேன் . ஆனால் ஸ்டாப்பில் இறங்கியதும் சத்யா அந்த பொறுக்கியை அடி வெளுத்தினான்  ” .

” ஏதோ ஒரு பெண்ணை காப்பாற்ற தான் நினைத்தானே தவிர அந்த பெண்ணிடம் இதை வைத்து நட்போ , காதலோ பெற அவன் நினைக்கவில்லை . அன்னைக்கு அவன் என் முகத்தை கூட பார்க்கவில்லை. அதிலே அவனை எனக்கு பிடித்துவிட்டது . நான் அன்னைக்கு அவனை பாலோ செய்தேன் ” .

” அப்போ தான் எனக்கு தெரிந்தது அவனும் நானும் ஒரே கம்ப்யூட்டர் கிளாஸ்ஸில் தான் படிக்கிறோம் என்று . ஆனா, அவன் வேறு கம்ப்யூட்டர் லாங்குவேஜ் படித்தான் நான் வேறு கம்ப்யூட்டர் லாங்குவேஜ் படித்தேன் அதனால் எங்களுக்கு வேறு வேறு ப்ளோரில் தான் வகுப்பே நடந்தது ” .

” முதலில் தற்செயலாக அவனை பஸ்ஸில் மற்றும் கம்ப்யூட்டர் கிளாஸ்ஸில் பார்த்தேன் . நாளடைவில் எனக்கு சத்யாவை பிடிக்க ஆரம்பித்தது, பின் அவனை பார்ப்பதற்காகவே அவன் போகும் பஸ்ஸில் நானும் போக ஆரம்பித்தேன் . அவனை பார்க்க அடிக்கடி அவன் படிக்கும் ப்ளோரிற்கு போவேன் ” .

” அப்படி போகும் போது அவன் அடிக்கடி அம்மு என்று உன்னை பற்றி அவனின் நண்பனிடம் பேசுவான் . முதலில் சத்யா உன்னை காதலிப்பதாக தான் நினைத்தேன் . ஏனென்றால் அவன் மூச்சுக்கு முன்னூறு தடவை உன்னை பற்றியோ , உன் பெயரையோ  தான் சொல்வான் ” .

” ஆனா, ஒரு தடவை சத்யா பிரெண்ட் சத்யாவிடம் , ‘ அம்மு கிட்ட எப்போ உன் காதலை சொல்ல போற? ‘ என்றுக் கேட்டான் . சத்யா ஓங்கி விட்ட அறையில் அவன் அதற்கு மேல் உன்னைப் பற்றி பேசுவதையே நிறுத்திவிட்டான் ” என்றாள் சந்தியா .

” அப்படி தான் எனக்கு உன்னை பத்தி தெரிந்தது தீப்ஷீ . நான் சத்யா கம்ப்யூட்டர் கிளாஸ் நிற்கும் வரை அவனை பார்த்துக் கொண்டிருப்பேன் . ஆனா, அவன் என்னை பார்த்ததுக் கூட கிடையாது . அவ்வளவு தான் என் காதல் கதை”

” எப்படி உனக்கு சத்யா பேரன்ட்ஸ் பற்றி தெரிந்தது ? உங்க வீட்டில் எப்படி உன் காதலுக்கு சம்மதம் சொல்வார்கள் ? சத்யா உன் காதலை ஏற்றுக்கொள்வானா ? ”  என்றுக் கேட்டாள் தீப்ஷீ .

” முதலில் மூச்சை விடு தீப்ஷீ , இத்தனை கேள்வியா ? எல்லாத்தையும் சொல்கிறேன் ”  என்றாள் சந்தியா .

” எங்க வீட்டில் உடனே சம்மதம் தந்துட்டாங்க . அதுக்கு காரணம் இருக்கு. ”  என்றாள் சந்தியா .

” என்னோட வாழ்வில் மறக்க முடியாத கருப்பு நாட்கள். ” என்றவள் அந்த நாட்களுக்குள் சென்றாள் .

” அப்போ நான் ஐந்தாவது படித்துக் கொண்டிருந்தேன் . பாதி விபரம் தெரிந்தும் பாதி தெரியாமலும் இருந்த வயது . எனக்கு எல்லாமே அப்பா தான் . நான் டாடி லிட்டில் பிரின்சஸ்ஸாக தான் இருந்தேன்  ” . என்றவள் அந்த நாளுக்கே சென்றாள்

” அப்பா எனக்கு குளித்துவிடுங்க ? ”

” இதோ வந்துட்டேன்  பாப்பா. ”

” அப்பா என்னை இன்னைக்கு மாலு கூட்டிட்டு போறீங்களா ? ”

” சரி  பாப்பா . இப்போ டான்ஸ் கிளாஸ் போவிங்களாம் . அப்பா உங்களை ஈவ்னிங் கூட்டிட்டு போவேனான். ”

” அப்பா , எனக்கு அங்க போக பிடிக்கல நான் போகமாட்டேன். ” என்று நான் அழுதேன் .