உயிர்ப்பாங்கி நண்பேன் டா – 5

அத்தியாயம் 5

” தீப்ஷீ … ” என்றுக் கூப்பிட்டார் சரண்யா .

அவளிடம் பதிலில்லை பின் சரண்யாவே சாப்பாட்டை டைனிங் டேபிளில் அடுக்கினார் .

தீப்ஷீ அறைக்குச் சென்ற சரண்யா , ” தீப்ஷீ , சாப்பிடாமல் ஏன் தூங்குகிறாய் . எழுந்திரி ” என்றார் .

” எனக்கு சாப்பாடு வேண்டாம் . எனக்கு தூக்கம் வருது . ப்ளீஸ் டிஸ்டப் பண்ணாதீங்க ” என்றவள் போர்வையை முகம் வரை போர்த்திக் கொண்டு மீண்டும் தூங்கினாள் தீப்ஷீ .

பின் வெளியே வந்த சரண்யா , ” வா பா தேவ் சாப்பிட . நீங்களும் வாங்க ” என்றார் .

மூவரும் கை கழுவி வந்து , டைனிங் டேபிளில் அமர்ந்தனர் . சரண்யா மூவருக்கும் உணவை பறிமாரினாள் .

” தீப்ஷீ எங்கே ? ” என்றுக் கேட்டார் தினேஷ் .

‘ நல்லவேளை அங்கிள் நீங்களே கேட்டிங்க . அவளை பார்க்க தான் வந்தேன் . அவள் ஜாலியாக ரூமில் போய் உட்கார்ந்திருக்கிறாள் ‘ என்று மனதில் பொங்கினான் தேவ் .

” அவள் தூங்கிட்டா . சாப்பாடு வேண்டாமாம்   ” என்றார் சரண்யா .

” ஏன் அவளை சாப்பிடும் முன் தூங்க விடுற. ”  என்றார் தினேஷ் .

” ஆமாம் உங்க பொண்ணு என்னை கேட்டு தான் தினமும் தூங்குகிறா . இல்ல நான் போய் தாலாட்டு பாடி உங்க பொண்ணை தூங்க வெச்சேனா ”  என்றார் சரண்யா .

பின் எதுவும் பேசாமல் அமைதியாக உண்டார் தினேஷ் . இருவரின் செயலை பார்த்து தேவ் மற்றும் சர்வேஷிற்கு சிரிப்பு வர , கஷ்டப்பட்டு வாய்க்குள் அடக்கினர் .

வேகமாக கதவை திறந்துக் கொண்டு உள்ளே வந்தான் சத்யா . அனைவரும் சாப்பிடுவதை பார்த்து அங்கே சென்றான் சத்யா .

” சரண்யாமா எங்க தீப்ஷீ ? ” , என்றான் சத்யா .

” அவள் தூங்குகிறா . நீ வந்து சாப்பிடு சத்யா ”  என்றார் சரண்யா .

” தீப்ஷீ சாப்பிட்டாளா ? ”

” இல்லை . நீ வந்து ” , என்று சரண்யா சொல்லிக் கொண்டிருக்கும் போதே சத்யா , தீப்ஷீ அறைக்கு சென்றான் .

” அவனுக்கு தான் தீப்ஷீ தவிர வேற யாரும் கண்ணுக்கு தெரிய மாட்டோம் என்று உனக்கு தெரியாதா . எனக்கு சாம்பார் ஊற்று ” என்றார் தினேஷ் .

” உங்க பொண்ணு தூங்கிட்டா எழுப்புறது கஷ்டம் . நான் பார்க்கிறேன் சத்யா எப்படி அவளை எழுப்பி , சாப்பிட வைக்கிறான் என்று  ”  என்றார் சரண்யா .

உள்ளே சென்ற சத்யா , ” அம்மு எழுந்திரி , சாப்பிட்டு தூங்கலாம் வா ”  என்றான் .

” எனக்கு வேண்டாம் சத்யா ” .

” மருந்து சாப்பிடணும் ஞாபகம் இருக்கா ? இல்லையா ? ” .

” சத்யா , அப்படியே மருந்தை ஊட்டிவிடு ” .

” சாப்பிடாமல் மருந்து சாப்பிட கூடாது அம்மு . இப்போ நீ சாப்பிட வரலை என்றால் நீ இனி குல்பியை மறந்திட வேண்டியது தான் . நான் உனக்கு எப்போதும் வாங்கி தரமாட்டேன் ”  என்றான் சத்யா .

வேகமாக எழுந்தவள் , ” நீ தான் எனக்கு ஊட்டிவிடணும் ” என்றாள்  .

” நானே ஊட்டிவிடுறேன் நீ வந்து டைனிங் டேபிளில் உட்கார்ந்தால் போதும் ” என்றான் சத்யா .

இருவரும் வெளியே வந்தனர் , அனைவரும் அவர்களை ஆச்சரியமாக பார்க்க , அதைக் கண்டுக்கொள்ளாமல் அவளை உட்கார வைத்தவன் . கை கழுவி தட்டு எடுத்து அவளுக்கு பிடித்ததை நிரப்பி , அவளுக்கு ஊட்ட ஆரம்பித்தான் சத்யா .

அவளும் அமைதியாக உண்டாள் . தீப்ஷீ சாப்பிட்டதும் , அவள் அறைக்கு சென்றவன் , மாலையில் அவளுக்கு வாங்கி தந்த மருந்தை எடுத்து வந்து , அதையும் அவளுக்கு தந்தான் சத்யா .

” போய் வாய் கழுவிட்டு  படு அம்மு ”  என்றான் சத்யா .

” என்ன சத்யா அவளுக்கு குல்பி வாங்கி தந்தியா ? ” என்றுக் கேட்டார் தினேஷ் .

” ஆமாம் பா ”  என்றான் சத்யா .

” வர வர இரண்டு பேரும் சொல் பேச்சை கேட்பதே இல்லை ”  என்றார் தினேஷ் .

” சாரி பா ” .

” நீ சாப்பிட்டியா சத்யா ? ” என்றுக் கேட்டார் தினேஷ் .

” சாப்பிட்டு தான் வந்தேன் ” என்றான் சத்யா .

” அப்பாடி ஒரு வழியா பதில் சொல்லிட்டியா சத்யா ”  என்றார் சரண்யா சிரித்துக் கொண்டே .

” என்ன சரண்யாமா , நீங்களும் என்னை கேலி செய்றீங்க ”  என்றான் சத்யா .

” பாருடா எங்க சத்யாவிற்கு வெக்கம் வருது ” என்று சத்யாவின் தாடையை பிடித்து கொஞ்சினார் சரண்யா .

‘ அங்கிள் போய் அப்பா ஆகிட்டார் . முன்பு முகம் கொடுத்து பேசாதவர் இன்று உரிமையாக திட்டுகிறார் . நான் இல்லாத போது இங்கே நிறைய மாறிவிட்டது போல் ‘ என்று நினைத்த தேவ் , இந்த வீட்டிற்கு சத்யா முதல்முறை வந்த நாள் நினைவுக்கு வந்தது.

‘ நினைவுகள்…

தயங்கிக் கொண்டே தீப்ஷீ வீட்டிற்குள் வந்த சத்யா , அங்கு சோபாவில் அமர்ந்திருந்த தேவ்வை பார்த்து கோபம் வந்தது . தான் இப்போது இங்கு வந்தது தப்போ என்று எண்ணியது சத்யாவின் உள்ளம் .

அவன் பின்பு வந்த தீபு , ” அப்பா ….. இவன் தான் சத்யா , என்னோட ஃப்ரெண்டு , நம்ம நெய்பர் ” என்றாள் மகிழ்ச்சியோடு .

அவர் முகத்தில் எந்த ஆர்வமுமில்லை மகிழ்ச்சியுமில்லை .

” வா ….. உட்காரு சத்யா ” என்றார் தினேஷ் .

” சத்யா தான் ரெப் , அவங்க ஸ்கூல் டீச்சர் ஒரே பாராட்டு ” என்று சொல்லிக் கொண்டே கையில் ஸ்நாக்ஸ் எடுத்து வந்தார் சரண்யா. அங்குள்ள அனைவருக்கும் .

” ஓ ….. ” என்றார் தினேஷ் . சத்யாவை அவர் பாராட்டவுமில்லை. பின் பேசவுமில்லை . சத்யாவிற்கு மனதில் தோன்றியது , ‘அம்மு அப்பாவிற்கு தன்னை பிடிக்கவில்லை போல் ‘ . என்ன செய்வதென்று தெரியாமல் முள் மேல் அமர்ந்திருப்பதுப் போல் உணர்ந்தான் .

சர்வேஷோடு விளையாடிக் கொண்டிருந்தாலும் கவனத்தை அவர்கள் மேலே வைத்திருந்தான் தேவ் .

” தேவ்  …. ” என்று கூப்பிட்டார் தினேஷ் .

” என்ன அங்கிள் ? ” என்றான் தேவ் .

” நீ ஸ்போர்ட்ஸ் நல்லா விளையாடுறதா உங்க ஸ்கூல்ல சொன்னாங்களாமே ,  வாக்கிங் போனப்ப உங்க அப்பா சொன்னாரு . ரொம்ப சந்தோஷம். ஸ்போர்ட்ஸ்ஸை விட்டுடாதே, ஸ்போர்ட்ஸ் நம்மள பிசிகலாவும் , மெண்டலாவும் ஸ்ட்ராங்காக வைத்துக்கொள்ள உதவும் ” .

”  ஷுயூர் அங்கிள் ” . சத்யாவை பாராட்டாமல் தன்னை பாராட்டும் அங்கிளை அவனுக்கு அதிகம் பிடித்தது .

‘ அம்முவின் அப்பாவிற்கு தன்னை பிடிக்கவில்லை ‘  என்று எண்ணியது சத்யாவின் உள்ளம் . என்ன செய்வது என்று தெரியாமல் உட்கார்திருந்தான் சத்யா .

அப்பொழுது , ” சத்யா ….. வா நான் உனக்கு வீட்டை சுற்றி காண்பிக்கிறேன் ”  என்றாள் தீபு .

இங்கு இருந்து தப்பித்தால் போதும் என்று எண்ணி வேகமாக எழுந்தான் சத்யா .

” தீபு … நம்ம மூன்று வீடுகளும் ஒரேமாதிரி தான் இருக்கும். அதனால் காண்பிக்க வேண்டிய தேவை இல்லை ” என்றார் தினேஷ் .

” அப்பா … வீடு தான் ஒரேமாதிரி ஆனால் பொருட்கள் வேறு ”  என்றவள் சத்யாவை அழைத்துக் கொண்டு சமையலறை சென்றாள் .

அங்கு சென்றதும் சத்யாவை பார்த்த சரண்யா, தீபு அறியாமல் , ” தீபு அப்பா எப்பவும் இப்படிதான் எங்க கிட்டக் கூட .  தப்பா எடுத்துக்காதே சத்யா “.

” அதெல்லாம் ஒன்னும் பிரச்சனை இல்லை சரண்யாமா ” என்று சிரித்த முகமாகவே கூறினான் சத்யா .

‘ இவ்வளவு நல்ல பையனை கஷ்டபடுத்துறாரே இந்த மனுஷன் . நல்ல படிப்பு , நல்ல வேலை இருந்து என்ன பயன்  ? அப்பா , அம்மா செய்த தவறுக்கு பிள்ளையை ஒதுக்குறார் ‘ , என்று தன் கணவனை மனதில் திட்டினாள் சரண்யா . ‘

#####

தீப்ஷீயின் பேச்சில் நிஜத்திற்கு வந்தான் தேவ் .

கை கழுவிட்டு வந்த தீப்ஷீ , ” அப்பா ஒரு வாக் சத்யாவோடு போயிட்டு வரேன் பா . அப்போதான் தூக்கம் வரும் ” என்றாள் .

” பின்ன காலேஜில் இருந்து வந்ததிலிருந்து தூங்கினா எப்படி நைட் தூக்கம் வரும் . உன்னால் அவனின் தூக்கமும் கெடுது . சீக்கிரம்  போயிட்டு வீட்டிற்கு வா  ” என்றார் தினேஷ் .

” அப்பா எனக்கு ஒன்னும் பிரச்சனை இல்லை . எனக்காக அவளை திட்டாதீங்க ” என்றான் சத்யா .

” அதான நீயாவது அவளை திட்டு வாங்க விடுவதாவது . இரண்டு பேரும் ஒழுங்கா ஓடிடுங்க ”  என்றார் தினேஷ் .

தீப்ஷீ மற்றும் சத்யா பார்க்கை நோக்கி ஓடினர் .

” என்ன தேவ் , ஒருத்தன்  வீட்டிற்கு வரான் , பொண்ணு ரூமிற்கு போகிறான் , பொண்ணுக்கு ஊட்டி விடுகிறான் . நைட் பத்து மணிக்கு தனியா அவனோடு அனுப்பிவிடுறாங்க என்ன அம்மா , அப்பா இவங்க அப்படி தான யோசிக்குற ? ” என்றுக் கேட்டார் தினேஷ் .

முதலில் ஆம் என்று தலை ஆட்டவந்தவன் ,  ” இல்லை அங்கிள் ”  என்று சொன்னான் .

” உண்மையான அன்பு கொண்டவர்கள் , மற்றவர்கள் என்ன நினைப்பார்கள் என்று யோசிக்கமாட்டார்கள் . சத்யா எண்ணம் நல்லதாக இருப்பதால் எங்களை நினைத்து பயந்து எந்த செயலையும் மறைக்காமல் எங்கள் முன்பே தைரியமாக செய்கிறான் . அவனிடம் தப்பான எண்ணம் இருந்திருந்தால் ஒரு நாள் கூட அவனால் எங்கள் முன்பு தீப்ஷீயோடு இயல்பாக இருக்க முடியாது ” என்றார் தினேஷ் .

வாழ்வின் அனுபவம் கற்றுத்தந்த பாடம் இது என்பது தேவ்விற்கு புரிய , ” ஆமாம் அங்கிள் . நீங்க சொல்வது உண்மைதான் . நேரமாகுது நான் போயிட்டு வரேன் ” என்றான் தேவ் .

” போயிட்டு வரேன் ஆன்ட்டி . பாய் டா சர்வேஷ் ” என்ற தேவ் வெளியே வந்தான் .

‘ உன்னை பார்க்க நான் வந்தால் . நீ ஜாலியாக தூங்குகிற , பின் சத்யாவோடு பார்க்கிற்கு போயிட்ட. இப்போ நான் உன்னை பார்க்க பார்க் வர வேண்டுமா ? முடியாது போ டி ‘ என்று மனதில் தீப்ஷீயோடு பேசியவன் கால் முன்னே இரண்டு அடி எடுத்து வைக்க , அவன் மனமோ பின்னோக்கி தீப்ஷீ இருக்கும் இடத்திற்கு ஓடியது . வேறுவழி இல்லாமல் தேவ் பார்க்கை நோக்கி நடந்தான் .

இருவரும் ஊஞ்சலில் ஆடிக் கொண்டிருந்தனர் . தெளிவு இல்லாத விளக்கு வெளிச்சத்திலும் , இருளான நிலவு வெளிச்சத்திலும் தேவதையாக தெரியும் தீப்ஷீயை , கண் சிமிட்டாமல் பார்த்தான் .

போனை சைலன்ட்டில் போட்டவன் , மரத்திற்கு பின் மறைவாக நின்றுக் கொண்டே தீப்ஷீயை போட்டோ எடுத்தான் . ‌பின் அமைதியாக வீட்டை நோக்கி சென்றான் தேவ் .

தேவ் வந்ததே தெரியாமல் இருவரும் தங்கள் உலகில் இருக்க , தீப்ஷீ  சென்னதைக் கேட்டு அதிர்ந்தான் சத்யா .

“சத்யா , சந்தியா உன்னை லவ் பண்ணுறானு நினைக்கிறேன் ” என்று ஊஞ்சலில் முன்னும் , பின்னும் விளையாடிக் கொண்டே கூறினாள் தீப்ஷீ .

” அம்மு இதை எல்லாம் ஆரம்பத்திலே சரி செய்ய வேண்டும் . இல்லை என்றால் கஷ்டமாகிடும் . நீ போய் லவ் எல்லாம் தப்பு வேண்டாம் என்று அவளிடம் சொல்லிடு ” ,

என்றான் சத்யா .

” இரு சத்யா . எனக்கு அப்படி சந்தேகம் இருக்கு என்று தான் சொன்னேனே தவிர . இன்னும் உறுதியாக தெரியவில்லை . அவ என் கிட்ட லவ் என்று சொல்லாதபோது நான் என்னன்னு அவ கிட்ட போய் பேச ” .

” ஆமா அம்மு நீ சொல்வதும் சரி தான் . ஒருவேளை அவளுக்கு அந்த எண்ணம் இல்லாமல்,  நீ போய் அவ கிட்ட சத்யாவை லவ் பண்ணாதேனு சொல்ல, அதைவைத்தே அவள் லவ் பண்ணா பெரிய தலைவலிதான் ” என்றான் சத்யா .

ஆமாம் என்று தீப்ஷீ தலையை ஆட்டினாள் .

” இருந்தாலும் இனிமேல் அவளிடம் கொஞ்சம் தள்ளியே இருக்க வேண்டும் ” ,என்றான் சத்யா .

‘ இப்போ மட்டும் அவளோடு ஒட்டிக்கிட்டா இருக்க . உன்னிடம் சொன்னால் உனக்கும் அவள் மேல் காதல் வரும் என்று நினைத்து சொன்னேன் பார் . என்னை தான் முதலில் அடிக்க வேண்டும் . நீ சரியான அம்பிடா சத்யா ‘  என்று மனதில் சத்யாவை கழுவி ஊத்தினாள் தீப்ஷீ .