உயிர்ப்பாங்கி நண்பேன் டா – 3

அத்தியாயம்­ 3

ஸ்டேஜ் ஏறியவனின் கண்களும் இவளை தான் பார்த்துக் கொண்டிருக்கிறது என்பதை தீப்ஷீ அறியவில்லை .

” டைக்குவாண்டோ அப்படி ஒரு விளையாட்டு இருப்பதே நம்மில் பலபேருக்கு தெரியாது . ஆனால் அதில் இவர் இந்தியாவிற்காக பல தங்க மெடல் வாங்கியிருக்கார் . அது மட்டுமில்லை ஒலிம்பிக்கில் இந்தியாவிற்காக தங்கம் வென்றவர் . ஆனால் இவர் யார் என்றே நமக்கு தெரியாது . கிரிக்கெட்டில் சுமாராக விளையாடுபவரைக் கூட நமக்கு தெரியும் ஆனால் மற்ற விளையாட்டில் சிறப்பாக விளையாடுபவரைக்கூட நமக்கு தெரியாது என்பதுதான் கசப்பான உண்மை . ” கலையரசி கூறியதை கேட்டு அவரை,  மரியாதையாக , பெருமையாக பாரத்தாள் தீப்ஷீ .

” இவர் இப்போ எம்.பி.ஏ நம்ம காலேஜில் தான் படிக்க போகிறார் . ஐ கால் டைக்குவாண்டோ சாம்பியன் தேவ் அமர் டு ஷேர் ஃப்யூ வேட்ஸ் வித் அஸ் ” என்றார் கலையரசி .

தீப்ஷீயின் பார்வை ஒரு நொடியில் வெறுப்பாக மாறியதை தேவ் கண்டுக் கொண்டான் . அவன் உள்ளம் வருந்தியது, இருந்தும் கம்பீரமாக மைக் அருகே சென்றான் தேவ் .

” ஹாய் ஃப்ரெண்ட்ஸ் . எல்லாருக்கும் ஒரு திறமை இருக்கும் அதை கண்டுபிடித்தால் போதும் எல்லோருமே வெற்றியாளர் தான் . என்னோட திறமையை கண்டுபிடித்து, வளர்த்தது என் பள்ளி தான் . அதுபோல் உங்கள் திறமையை கண்டுபிடிக்க நம்ம கல்லூரி உதவும் . ஆல் த பெஸ்ட் மை டியர் ஃப்ரெண்ட்ஸ் . இதற்கு மேல் நான் மொக்க போட விரும்பவில்லை , தேங்க்யூ ”  என்றான் தேவ் .

மீண்டும் பெண்களிடம் ஆரவாரம் மற்றும் கைதட்டல் ஆடிட்டோரியத்தை நிரப்பியது .

” ஓகே ஸ்டூடண்ட்ஸ் , இனி ஃபுல் டே என்ஜாய்மென்ட் தான் . நிறைய கேம்ஸ் , டான்ஸ் , சாங் என்று என்ஜாய் பண்ணுங்க ” என்ற கலையரசி ஸ்டேஜ்ஜிலிருந்து கீழே இறங்கி வர, அவர் பின்பு சத்யா நடந்து வந்தான் . கலையரசி முன்பு தேவ் நிற்க , ” தேவ் , இவன் தான் சத்யா , காலேஜ் ஆல் இன் ஆல் , காலேஜ் ஹீரோ என்றுக் கூட சொல்லலாம் ” என்று சத்யாவை காட்டினார் .

” நைஸ் டு மீட் யூ சத்யா ”  என்ற தேவ் கையை நீட்டினான் சத்யாவை நோக்கி .

அவனை பார்த்துக் கொண்டே கையை நீட்டிய சத்யா , ” ஹலோ தேவ் ” என்றான் சத்யா .

தேவ் மீண்டும் கலையரசியிடம் , ” மேடம் நீங்கள் இதுவரை என்று சொல்ல மறந்துட்டீங்க ” என்றான் .

” புரியலை தேவ் ”  என்றார் கலையரசி .

” இதுவரை சத்யா ஹீரோவா இருந்திருக்கலாம் . இனிமே நானும் ஹீரோவாகலாம் தான மேடம் ”  என்றுக் கேட்டான் தேவ் .

” ஆமாம் வாய்ப்பு இருக்கு . சத்யாவிற்கு சரியான போட்டி நீ தான் தேவ் . சரி பா எனக்கு வேலையிருக்கு பாய் ” என்ற கலையரசி திரும்பி சத்யாவிடம் , ” எதற்கும் தேவ்விடம் ஜாக்கிரதையாக இரு சத்யா . பாய் ”  என்றவர் சென்றுவிட்டார் .

சத்யா , தேவ் இருவரும் ஒருவரை ஒருவர் பார்க்க . என்ன நினைக்கிறார்கள் என்று புரியவில்லை . இருவரும் வேறு திசையில் சென்றுவிட்டனர் .

இதையெல்லாம் பார்த்துக் கொண்டிருந்த தீப்ஷீக்கு கோபமாக வந்தது தேவ் மேல் .

‘ கண்டிப்பாக சத்யாவை சீண்டுவதுப் போல் எதாவது தான் இந்த தேவ் பேசியிருப்பான் . இவன் இங்கு இல்லாமல் நிம்மதியாக இருந்தேன் . இவனை யார் ரீ என்ட்ரி கொடுக்க சொன்னது ? ‘ , என்று மனதில் எரிமலையாக கொதித்தாள் தீப்ஷீ .

பின் எந்த நிகழ்ச்சியிலும் தீப்ஷீக்கு ஆர்வம் இல்லாமல் போனது . ஆனால் சந்தியா ஜாலியாக என்ஜாய் செய்தாள் காரணம் இந்த நிகழ்ச்சியை நடத்துவதே சத்யா மற்றும் அவன் நண்பர்கள் தான் . சத்யாவை பார்த்தாலே போதும் சந்தியாவிற்கு கொண்டாட்டம் தான் .

தன் கோபத்தில் இருந்து வெளியே வந்தவள் , திரும்பி சந்தியாவை பார்க்க . சந்தியாவோ சத்யாவை பார்த்துக் கொண்டு வேறு ஒரு உலகில் இருந்தாள்  .

தொண்டையை செருமினாள் தீப்ஷீ . சந்தியா திரும்பி அவளை பார்க்க , ” என்ன சத்யாவை சைட் அடிக்கிறீயா ? ” என்றுக் கேட்டாள் தீப்ஷீ .

முதலில் தயங்கியவள் பின் , ” ஆமாம் . நான் மட்டும் இல்லை , இங்கு இருக்கும் பெண்கள் எல்லோரும் சத்யாவை தான் சைட் அடிக்கிறார்கள் . ஏன் நீ கூட தான் தேவ்வை சைட் அடித்தாய். நான் ஏதாவதுக் கேட்டேனா? ” என்றாள் சந்தியா .

” சீ . இனி இந்த தேவ்வின் நிழலை கூட நான் பார்க்க மாட்டேன் . அவன் யார் என்று தெரியாமல் சைட் அடித்துவிட்டேன் . எல்லாம் அந்த மேடமை தான் திட்டணும் முதலில் அவன் பெயரை சொல்லி தானே ஸ்டேஜ்ஜிற்கு அழைக்கணும் , அதை விட்டுவிட்டு கடைசியாக பெயர் சொல்கிறார் . இனி நான் எப்படி என் கண்ணை கழுவி , இந்த பாவத்தை போக்குவது ” .

சத்தமாக சிரித்துவிட்டாள் சந்தியா , ஒன்று இரண்டு பேர் அவளை திரும்பி பார்க்க , தன் தவறை உணர்ந்தாள் சந்தியா .

” சரி விடு தீப்ஷீ . இதுக்கு போய் இவ்வளவு பீல் பண்ணுற ” என்றாள் சந்தியா . எப்படி ‘ங்க’ போட்டு மரியாதையாக தொடங்கிய பேச்சு ‘ங்க’ இல்லாமல் போனது என்று இருவருக்கும் தெரியவில்லை . இதுதான் நட்பின் மாயாஜாலம் போல் .

” எப்படியோ பேச்சு மாறிடுச்சு தப்பித்தோம் என்று நினைக்காதே சந்தியா . உனக்கு முன்பே சத்யாவை தெரியும் என்பது எனக்கு புரிகிறது . அந்த உண்மையை நீயே சொல்லுவ..  அதுவரை நானாக கேட்கமாட்டேன் ” என்றாள் தீப்ஷீ .

‘ அப்பாடா இப்போது இவளிடம் இருந்து தப்பியதே பெரிய விஷயம்  ‘ என்று நினைத்து நிம்மதி அடைந்தாள் சந்தியா .

ஒருவழியாக நிகழ்ச்சி முடிய , ” அம்மு  , பைக் கிட்ட வெயிட் பண்ணு டா . நான் ஒரு டென் மினிட்ஸ்ல வந்துடுவேன் ” என்றான் சத்யா .

” ஓகே சத்யா , நானும் கிளாஸ்ஸிற்கு போய் பேக் எடுத்துட்டு வரணும் . பாய் ” என்றாள் தீப்ஷீ .

தீப்ஷீ , சத்யா பைக் அருகே காத்திருந்தாள் . தேவ் , தீப்ஷீயை பார்த்துக் கொண்டிருந்தான் . அவன் இந்த கல்லூரி சேர்ந்தது அவளை பார்க்க தான் . ஆம்  விதையாய் அவனுள் விழுந்த தீப்ஷீ என்னும் காதல் விதை , பாதியில் அழிந்து போகவும் வாய்ப்பிருக்கு என்று அவன் நினைத்திருக்க , அதற்கு மாறாக அது இன்று பெரிய விருட்சமாக வளர்ந்து அவனை பாடாய் படுத்திக் கொண்டிருக்கிறது .

” சாரி அம்மு , ரொம்ப நேரமா வெயிட் பண்றியா ”  என்றான் சத்யா .

” இல்ல சத்யா , இப்போ தான் வந்தேன் ” .

” சரி வா , பைக்கில் ஏறு ” .

” இரு சத்யா ” என்று அவனின் மணிக்கட்டைப் பிடித்து கேன்டீனில் உள்ள வாஷ்பேஷன் அருகே அழைத்துச் சென்றாள்  .

” இங்க எதுக்கு வந்தோம் அம்மு ? ”

” கையை பைப் அருகே நீட்டு சத்யா ”

ஒன்றும் புரியவில்லை என்றாலும் தீப்ஷீ சொன்னதுப் போல் செய்தான் சத்யா . அவன் கையில் ஹாண்ட் வாஷ்ஷை ஊற்றினால் .

“நல்லா கையை கழுவு சத்யா ”

எதற்கு என்று தெரியவில்லை இருந்தும் அவள் சொன்னதை செய்தான் சத்யா . இவர்களை பார்த்துக் கெண்டிருந்த தேவ்விற்கு புரிந்தது தீப்ஷீ ஏன் செய்ய சொல்கிறாள் .

பழைய தேவ்வாக இருந்திருந்தால் அவனுக்கு கோபம் தான் வரும் . ஆனால் இப்போது இருக்கும் தேவ்விற்கு கோபத்தை கண்ட்ரோல் செய்யத் தெரியும் அதனால் அவன் , ‘ உன் ஃப்ரெண்டு கையை பிடித்ததற்கே இப்படி கை கழுவ சொல்கிறாயே , நான் தான் இனி உன் வாழ்வின் கடைசிவரை உன் கையை பிடிக்க போகிறேன். அப்போது நீ என்ன செய்கிறாய் என்று நான் பார்க்கிறேன் ‘  என்று மனதில் நினைத்துக் கொண்டான் .

” எதுக்கு அம்மு கை கழுவ சொன்ன ?  ”

” நீ ஏன் அந்த தேவ்விற்கு கை கொடுத்த . அதனால் தான் கை கழுவ சொன்னேன் ” .

” அம்மு ஏன் நீ பழசை மறக்க மாட்டேன் என்று பிடிவாதம் செய்யுற . அவன் இப்போது எவ்வளவு பெரிய ஸ்போர்ட்ஸ் பெர்சன் என்று தெரியுமா . அதுவும் இல்லாம அவன் இப்போது மாறிவிட்டான் . இனிமே இப்படி சில்லியா பிகேவ் பண்ணாத அம்மு ” .

அம்முவின் இந்த பிடிவாதத்திற்கு  அன்று  தாம் தான் அஸ்திவாரம் போட்டோம்  என்பது நினைவிற்கு வர ,

‘ நினைவுகள் …

பள்ளியில் ,

” நாளைக்கு உங்களுக்கு பேரன்ட்ஸ் டீச்சர் மீட்டிங் சோ இன்ஃபார்ம் யுவர் பேரன்ட்ஸ் ” என்றார் ஆசிரியர் .

சத்யாவின் கண்கள் கலங்கியது . அவர்கள் கண்டிப்பாக வரமாட்டார்கள் என்று அறிந்திருந்தான் . பெல் அடிக்க தன் பையை எடுத்துக் கொண்டு கிளாஸ் வெளியே வந்துக் கொண்டிருந்தான் .

அங்கு தேவ் மற்றும் சர்வேஷ் நண்பர்களோடு நின்றிருந்தார்கள் . சத்யா அவர்களை கடந்து செல்லும்போது .

” சத்யா ….” என்று அழைத்தான் தேவ் .

அவர்கள் தீப்ஷீயின் நண்பர்கள் தானே என்று சத்யா புன்னகை முகமாக தேவ் அருகே சென்றான் .

” நாளைக்கு பேரன்ட்ஸ் டீச்சர் மீட்டிங்க்கு நீ யாரை கூப்பிட்டு வருவ . அதான் உனக்கு யாரும் இல்லையே. உன்னை பிடிக்காம உங்க அம்மா அப்பா தான் உன்னை விட்டு போய்ட்டாங்களே. நீ என்ன செய்ய போற ? ” என்று சொல்லி விட்டு நக்கலாக சிரித்தான் தேவ் .

அங்கிருந்த அனைவரும் சத்யாவை பார்த்து சிரித்தனர் . சத்யாவிற்கு  கோபம் வந்துவிட்டது . தன் பலம் கொண்டு தேவ்வை அடிக்க ஆரம்பித்தான் . அவனும் சத்யாவை அடித்தான் .

அங்கு கலவரமே உண்டானது . பின் அங்கு வந்த ஆசிரியர் , ” ஹே …. நிறுத்துங்க . என்ன பொறுக்கி மாதிரி சண்டை போட்டுட்டு இருக்கிங்க . பிரின்ஸ்பல் ரூமுக்கு போனால் ரெண்டு பேருக்கும் டிசி தான் . ஒழுங்கு மரியாதையா ரெண்டு பேரும் போயி உங்க பஸ்ஸில் ஏறுங்க ” என்று அவர்களை அந்த இடத்திலிருந்து அனுப்பினார் .

தன் கோபத்தை குறைக்க கிரவுண்ட்க்கு சென்ற சத்யா , இங்கு ஃபுட் பாலை தன் காலால் உதைத்து கோலாக மாற்றிக் கொண்டிருந்தான் .

நேரம் ஆவதை உணர்ந்து பஸ்ஸை நோக்கி நடந்தான் சத்யா . பஸ் ஏறினான் , அங்கு தீபு சிரித்துக் கொண்டே , ” சத்யா…. ஏன் லேட் . வந்து உட்காரு ” என்றாள்.

சத்யா பதிலேதும் கூறாமல் அவளின் சீட்டை கடந்து சென்றான் . அவன் செல்வதை பார்த்த தீபுவிற்கு கண்கள் கலங்கியது .

சத்யாவை பார்த்தவன் பின் சோகமாக இருக்கும் தீபுவை பார்த்து நக்கலாக சிரித்தான் தேவ் .

எப்போதும் தங்களை சுற்றும் தீபு .இப்போது வேறு நண்பனோடு மகிழ்ச்சியாக இருப்பதா என்று தேவ்விற்கு கோபம் . சத்யா தீபுவை தவிர்ப்பதை பார்த்து தேவ்விற்கு மகிழ்ச்சி .

வீட்டிற்கு வந்ததும் , தன் அன்னையை கட்டிக்கொண்டு அழுதாள் தீபு . ” ஏன் டி அழற ?  சொன்னா தான தெரியும் ” என்றாள் சரண்யா .

” அம்மா ….. ” என்று மீண்டும் விசும்பல் தீபுவிடம் .

” இங்க உட்காரு ….. அமைதியாகு ….. பிறகு சொல்லு ” .

” அம்மா …. சத்யா என் கூட பேச மாட்டேன்றான் . நான் எதுவுமே செய்யல்ல “.

” இது தான் விசயமா . நான் பயந்துட்டேன் ” .

” அம்மா …. அவன் மட்டும் தான் என் ஃப்ரெண்டே . அவனும் பேசலனா நான் யார் கூட விளையாடுறது ” .

” சரி டி …ஏன் கோபம்…னு சத்யாக்கிட்ட போய் கேளு ” .

” சரி மா ” என்றவள் வெளியே ஓடினான்  .

” ஹே… நில்லு  டி…. ஃபிரஷ்ஷாகிவிட்டு  போ டி ”  .

” இருமா நான் போய்ட்டு வரேன் ” என்று ஓடியேவிட்டாள் தீப்ஷீ.

” இவளை …. என்ன செய்றது …. சரியான வாலு ” .