உயிர்ப்பாங்கி நண்பேன் டா -2

அவ்வளவு தான் அங்கு  உட்கார்ந்திருந்த ஐவரில் நான்கு பேர் பயத்தில் எழுந்துவிட்டனர் . அழுதுக் கொண்டிருந்தவள் இவளை ஆச்சரியமாக பார்க்க . உட்கார்ந்திருந்தவன் , ” அம்மு போதும் நிறுத்து , பசங்க பயப்படுறாங்க ” என்றான் .

” என்ன சத்யா , நீ இதெல்லாம் கேட்கமாட்டாயா ? ” என்றுக் கேட்டாள் தீப்ஷீ .

” நீ வேற அம்மு , இந்த பாப்பா பயந்துக் கிட்டே வந்துச்சா . அதான் ஒரு ஆடு மாட்டிக்கிச்சினு இதை வைத்து மட்டன் பிரியாணி செய்ய நினைத்து வம்பு பண்ணாங்க . அவளை வைத்து உனக்கு பயம் காட்ட நினைத்தாங்க , கடைசியில் உன்னிடம் பண்ணு வாங்கிட்டாங்க ” , என்றான் சத்யா .

அழுதுக் கொண்டிருந்த பெண்ணிடம் , ” நீங்க கிளாஸிற்கு போங்க . இவனுங்க சரியான டம்மி பீஸ் ” என்றாள் (அம்மு) தீப்ஷீ .

சத்தமாக சிரித்துவிட்டாள் அந்த பெண் , பின் அமைதியாக சென்றுவிட்டாள் . அந்த நால்வரும் மீண்டும் பல்பு வாங்கி ஜகத் ஜோதியாக நின்றுக் கொண்டிருந்தனர் .

” நீ வா அம்மு . நாம உன் கிளாஸிற்கு போவோம் ” என்ற சத்யா , தீப்ஷீயோடு போனான் .

‘ அட பக்கி . நீ இவதான் அம்மு என்று முன்னாடியே சொல்லியிருக்க வேண்டியதுதானே ‘ , என்று விதம் விதமாக சத்யாவை நால்வரும் மனதில் திட்டினர் .

சத்யாவோ இவர்களை கண்டுக் கொள்ளாமல் , தீப்ஷீயோடு சென்றவன் , ” அம்மு எதற்கு பிளாக் ஜீன்ஸ் போட்டு வந்த ? முதல் நாள் பிளாக் போட வேண்டாம் என்று சொன்னேனே ” என்றான் சத்யா .

” வேற ஜீன்ஸ் எதுவும் இல்ல சத்யா . காலையில் லேட்டா தான் எழுந்தேன் அதான் ஏதோ கைக்கு வந்ததை போட்டேன் ” என்றாள் தீப்ஷீ .

” சத்யா , உனக்கு ஒரு விஷயம் தெரியுமா . அக்ஷிதாமா , அமர் அங்கிள் இன்று நம்ம காலனிக்கு வந்துடுவாங்க . இனிமே இங்கே தானாம் ” என்றாள் தீப்ஷீ .

” ரொம்ப சந்தோஷம் அம்மு . அவங்களை பார்த்தே நான்கு வருடம் ஆகுது ” என்றான் சத்யா .

” ஆமாம் சத்யா , அமர் அங்கிளுக்கு ஊட்டிக்கு டிரான்ஸ்பர்  கிடைத்ததும் ஃபேமிலியோடு ஊட்டிக்கே போய்ட்டாங்க ”  என்றாள் தீப்ஷீ

” அதான் வந்துட்டாங்களே அம்மு . இனி நோ வொரீஸ் ” என்றான் சத்யா .

” அக்ஷிதாமா , அமர் அங்கிளை மீண்டும் பார்க்க போவது மகிழ்ச்சியாக இருந்தாலும் . இந்த தேவ்வை பார்க்க வேண்டும் என்று நினைத்தாலே கடுப்பாக இருக்கு சத்யா ” என்றாள் தீப்ஷீ .

” என்ன அம்மு , இன்னும் சின்ன வயதில் நடந்ததை நினைத்துக் கொண்டே இருக்கிற . கொஞ்சமாவது பெரியவளா யோசி . இனியெல்லாம் தேவ்வோடு போய் சண்டைக்கு நிற்காதே . நீ ஃப்யூச்சர்ல ஒரு  பொறுப்பான ஐ.பி.எஸ் ஆக போவதை மறக்காதே ” என்றான் .

” நான் மறக்க மாட்டேன் சத்யா . ஆனால் தேவ்வை மட்டும் என்னால் என்றுமே நெய்பராகக் கூட ஏற்றுக்கொள்ள முடியாது ” ,

என்றாள் தீப்ஷீ . இருவரும் பேசிக் கொண்டே அவள் கிளாஸ் முன்பு நின்றனர் . அப்போது அங்கு வந்தாள் முன்பு அழுதுக் கொண்டிருந்த பெண் .

அவளும் தீப்ஷீ கிளாஸிற்கு தான் வருகிறாள் என்பது புரிய .

” அம்மு அந்த பாப்பாவும் உன் கிளாஸ் தான் போல் ” என்றான் சத்யா .

சத்யா கூறியது , அந்த பெண்ணின் காதிலும் கேட்க , அவளாகவே இருவர் அருகிலும் வந்து , ” என் பெயர் சந்தியா சார் . பாப்பா என்று சொல்லாதீங்க ” என்றவளின் குரல் மென்மையாக இருந்தது .

” ஓகே சந்தியா . இனிமேல் பாப்பா என்று கூப்பிட மாட்டேன் அதுபோல் நீயும் என்னை சார் என்று கூப்பிடாமல் அண்ணா என்று கூப்பிடு . முன்பு சும்மா கலாய்த்தோமே தவிர நாங்க ரொம்ப நல்ல பசங்க , உனக்கு எப்போ எந்த உதவி வேண்டும் என்றாலும் எங்களை கேள் , முடிந்த உதவியை செய்கிறோம் ” என்றான் சத்யா .

” ஓகே . ஆனால் அண்ணா என்று கூப்பிட முடியாது ”  என்றவள் உள்ளே சென்றுவிட்டாள் .

சந்தியாவை ஆராய்ச்சியாக பார்த்தாள் தீப்ஷீ . ஆனால் சந்தியா சென்றதை பெரியதாக கூட சத்யா எடுத்துக்கொள்ளவில்லை .

” ஓகே அம்மு . இனிமே என்னோடு தான காலேஜ்க்கு வர்றது , போறது எல்லாம் ” என்றுக் கேட்டான் சத்யா .

” ஆமாம் சத்யா . உனக்கே தெரியுமே , இன்று ரொம்ப ஸ்டொமக் பெயின் அதான் அப்பாவோடு காரில் வந்தேன் . நீ இல்லாம டிராவல் செய்வது கஷ்டமா இருந்தது சத்யா  ”  என்றாள் தீப்ஷீ .

” என் அம்முவிற்காக நான் அடுத்து வாங்க போவது கார் . ஈவினிங் பைகில் வருவதில் எந்த கஷ்டமும் இல்லையே அம்மு . என் ஃப்ரெண்ட் கார் கூட எடுத்துக்கலாம் ” என்றுக் கேட்டான் சத்யா .

” ஈவினிங் பிராப்ளம் இல்லை சத்யா பைக்லே போகலாம் . எப்போ கார் வாங்க போறோம் ? ” என்றுக் கேட்டாள் தீப்ஷீ .

” கூடிய சீக்கிரம் வாங்கலாம். இப்போ  நீ கிளாஸிற்கு போ. ஈவினிங் பார்க்கலாம் பாய் டா ”  என்ற சத்யா தன் வகுப்பிற்கு சென்றான்  .

உள்ளே சென்ற தீப்ஷீ , சந்தியா அருகில் இருந்த இடத்தில் அமர்ந்தாள் . சந்தியா , தீப்ஷீயை பார்த்து புன்னகை செய்ய .

” ஹாய் சந்தியா , ஐ எம் தீப்ஷீ ” , என்று அறிமுகம் செய்துக் கொண்டாள் .

” நைஸ் டு மீட் யூ தீப்ஷீ ” என்றாள் சந்தியா .

” ஃபிரண்ட்ஸ் ? ” என்றுக் கேட்டாள் தீப்ஷீ .

” ஷ்யூர் தீப்ஷீ ” என்றாள் சந்தியா .

கிளாஸ் ரூம் ஸ்பீக்கரில் , ” ஆல் ஃபர்ஸ்ட் இயர் யூஜி பிஜி ஸ்டூடெண்ட்ஸ் கம் டு த ஆடிட்டோரியம் ” என்று அறிவிப்பு வந்தது.

” வாங்க சந்தியா போவோம் ” என்றாள் தீப்ஷீ .

” ஃப்ரஷ்ஷர்ஸ் டே பார்ட்டி போல. “என்றாள் சந்தியா .

இருவரும் ஆடிட்டோரியத்தில் முன் இருக்கையில் அமர்ந்தனர் .

அப்போது ஸ்டேஜ் ஏறினான் சத்யா . க்ரே ஜீன்ஸ் பேண்ட் ,  கிரீன் ஷர்ட் , வைட் ஷு என்று ஜி.வி.எம் படத்தில் வரும் ஹீரோ போல் ஸ்டைலாக , கம்பீரமாக மைக்கை அட்ஜஸ்ட் செய்த சத்யாவை , பெண்கள் அனைவரும் சைட் அடித்துக் கொண்டிருந்தனர் .

” ஃபிரண்ட்ஸ் ப்ளீஸ் பீ சீட்டடு . பிரின்ஸ்பால் வில் அரைவ் சூன் ” என்றான் சத்யா .

” ஓகே லவ்வர் பாய் ”  என்று அனைவரும் கோரசாக கூறினார்கள் .

அதுவே சத்யாவின் பட்ட பெயர் . ஆனால் இது எப்படி இவர்களுக்கு தெரிந்தது என்று தெரியாமல் சத்யா அழகாக வெட்கப்பட .

” ஓஹோ ” என்று கேர்ள்ஸ் கத்த . பாய்ஸ் காதிலிருந்து புகையாக தள்ளியது .

பிரின்ஸ்பால் மற்றும் சில ஆசிரியர்கள்  ஸ்டேஜ் ஏறினார்கள் .

” குட் மார்னிங் டூ எவரிஒன் கேதர்டு ஹியர் . நானும் ஃபர்ஸ்ட் இயர் தான் . ஆனாலும் நான் தான் வெல்கம் ஸ்பீச் கொடுக்கணும் என்று ஏற்றிவிட்டார்கள் . நான் என்ன சீனியரா , ஏஜ்ஜிடா தெரியுறேனா ?  ”  என்றுக் கேட்டான் சத்யா .

” இல்லை ”  என்று பதில் வந்தது .

” இப்படி எல்லாம் பேசினால் தான் உங்களுக்கு பிடிக்கும் என்று என் நண்பர்கள் தான் சொன்னாங்க ” என்ற சத்யா  திரும்பி  அங்கு நின்றுக் கொண்டிருந்த தன் நான்கு நண்பர்களை பார்த்தான் .

‘ இது எப்படா நடந்தது ? ‘ , ‘ இது உலக மகா நடிப்பு டா சாமி ‘ , ‘ நீ ஹீரோவாக எதுக்கு டா எங்களை வில்லன் ஆக்குற ‘ , என்று அவர்கள் இவனை மனதில் திட்டிக் கொண்டே திரு திருவென முழித்தனர் . மாணவர்களின் சிரிப்பு சத்தம் ஆடிட்டோரியத்தை நிரப்பியது .

” ஜோக்ஸ் அபார்ட் . எல்லோரும் பல கனவுகள் , பல ஆசைகளோடு இங்கு வந்திருப்பிங்கனு தெரியும் . எல்லாரோட வாழ்க்கையிலும் காலேஜ் லைஃப் மறக்க முடியாத நினைவாக இருக்கும் . அந்த நினைவின் முதல் பக்கத்தில் இருக்கும் மாணவர்களுக்கு என் வாழ்த்துகளை தெரிவித்துக் கொள்கிறேன் ” என்று அவன் பேசிக் கொண்டிருக்கும் போது .

” சத்யா உங்களை பற்றி இன்ட்ரோ கொடுங்க ” என்று மாணவிகள் கூற .

” என்ன பத்திச் சொல்ல பெருசா ஒன்னும் இல்லை . நான் இங்கு தான் பி.பி.ஏ படித்தேன் , இப்போது எம்.பி.ஏ ஃபர்ஸ்ட் இயர் ” என்றான் சத்யா .

பின் காலேஜ் பெருமையை கூறியவன் கடைசியாக பிரின்ஸ்பல் மேடமை பேச வருமாறு அழைத்தான் சத்யா .

” குட் மார்னிங் ஸ்டூடெண்ட்ஸ் . என்ன காலேஜ் பெருமையை கேட்டதும் எல்லாருக்கும் தூக்கம் வந்துடுச்சா…  முன்பு இருந்த ஆரவாரம் இல்லை . இன்ட்ரஸ்டிங்காக நான் ஒன்று சொல்லவா… அதுவும் சத்யாவை பற்றி… ” என்றதும் மாணவிகளிடம் மீண்டும் ஆரவாரம் எழுந்தது .

” தன்னடக்கம் இது தான் போல் . தன்னை பற்றிக் கூற பெருசாக ஒன்றுமில்லை என்கிறான் . சத்யா கோல்டு மெடலிஸ்ட் இன் டூ கோர்ஸ் . எப்படி என்று தானே கேட்கிறீர்கள் . அவன் பி.பி.ஏ ரெகுலர்ஸ்ஸாகவும் பி.சி.ஏ கரஸ்லையும் முடித்தான் . அதுமட்டும் இல்லை அவனுக்கு ப்ரோக்ராமிங் என்பது விளையாடுவதுப் போல் . மூன்று அப்ளிகேஷன் சத்யா தனியாக உருவாக்கியிருக்கிறான் . நம்ம காலேஜ் வெப்சைட் கிரியேட் பண்ணது சத்யா தான் . இன்னும் அவனை பற்றி சொல்லிக் கொண்டே இருக்கலாம். ஆனால் பாய்ஸ் கொஞ்சம் காண்டாகுறாங்க . அதனால் நான் நிறுத்திக் கொள்கிறேன் . இப்போ நான் ஏன் சத்யாவைப் பற்றி சொன்னேன் என்று தெரியுமா ? அவனால் இரண்டு டிகிரி படிக்க முடியுமென்றால் உங்களால் ஒன்றை தெளிவாக படிக்கமுடியாமலா போகும் . நீங்கள் வாழ்க்கையில் வெற்றிப் பெற எல்லா வாய்ப்பையும் நாங்க உருவாக்கி தருவோம் , அதை வீணடிக்காமல் பயன்படுத்தி வாழ்க்கையில் வெற்றிப் பெறுவது உங்கள் கையில் தான் இருக்கிறது ” , என்றார் மேடம் கலையரசி .

” கடைசியாக உங்களுக்கு வாழ்க்கையில் வெற்றிப் பெற்ற இன்னொருவரையும் அறிமுகம் செய்து விட்டு , என் பேச்சை முடிக்கிறேன் . ப்ளீஸ் கம் டு த ஸ்டேஜ் ” என்றார் கலையரசி .

ஒருவன் ப்ளூ ஜீன்ஸ் , பிளாக் ஷர்ட் , ஒயிட் ஷூ போட்டுக் கொண்டு கெத்தாக ஏறினான். ‌ அவன் படி ஏறும் அழகை ரசித்தாள் தீப்ஷீ . அவன் பார்க்கவும் அழகாக இருக்க . தீப்ஷீ அவனை ஆர்வமாக பார்த்தாள் .

ஆனால் அவன் யாரென்று தெரிந்தால் தீப்ஷீயின் நிலை ?